DILONGI 13
Mabundu maluvunu mazitisanga ko Nzambi
Enati Nzambi niandi luzolo, bila mbi mabundu mo meta tuba ti bawu bammonikisa Nzambi beta vangila mambu mambimbi? Bila mabundu moso madi maluvunu; mazitisanga ko Nzambi. Mambu mbi mammonisa ti mazitisanga ko Nzambi? Nzambi bue keta mamuena? Ayi bue kela masundudila?
1. Bila mbi malongi ma mabundu maluvunu ka mazitisilanga ko Nzambi?
Mabundu maluvunu “baviakisa luvunu va buangu ki kiedika ki Nzambi.” (Loma 1:25) Mu kifuani, mabundu mawombo ka malongisanga ko dizina di Nzambi kuidi minkuikisi miawu. Vayi Bibila kitubidi ti tufueti kaka sadila dizina di Nzambi. (Loma 10:13, 14) Vayi bapfumu zi mabundu mawombo beta tuba ti: mambu mambimbi mawu builulu batu, luidi luzolo lu Nzambi. Vayi madi mayuya. Nzambi kavanganga ko mambu mambimbi. (Tanga Zaki 1:13.) Diambu dikiadi, malongi ma mabundu maluvunu mame tatula batu bawombo kuidi Nzambi.
2. Bila mbi mavanga ma mabundu maluvunu ka mazitisilanga ko Nzambi?
Mabundu maluvunu mavangilanga ko batu mambu banga Yehova. Bibila kitubidi ti masumu ma mabundu maluvunu ‘mayidimini, matudidi na tii ku diyilu.’ (Tsongolo 18:5) Tona thama, mabundu meta kota mu mambu ma politiki, meta buela mioko mu zimvita, beta vondisa voti beta kikinina zipfuilu zi batu bawombo. Bapfumu zi mabundu beta zingila mu luzingu lukitoko ayi beta tomba zimbongo kuidi minkuikisi miawu, mu diambu di baluta zingila mu phila beni yina. Mambu moso mo mawu mammonisa ti mabundu moso momo basi zaba ko bukiedika Nzambi, ayi basi fuana ko monikisa Nzambi.—Tanga 1 Yowani 4:8.
3. Nzambi bue keta muena mabundu maluvunu?
Enati mambu mambimbi mo mabundu maluvunu meta vanga, meta kufuemisa, yindula buabu bue Yehova keta mamuena! Weta zola batu, vayi nganzi kadi kuidi bapfumu zi mabundu bo ka ban’zitasanga ko ayi bo beta monisa minkuikisi miawu phasi. Veni tsila ti mabundu moso maluvunu mela bungu, ayi ‘tuela sie bue mamona ko.’ (Tsongolo 18:21) Fioti fisiedi, Nzambi weka nduka zimbisa mabundu moso maluvunu.—Tsongolo 18:8.
TUVISA MBOTI MBOTI
Tuvisa theti mboti mboti phila yo Nzambi keta muena mabundu maluvunu. Tuluta tala diaka mambu mo bamevanga ayi tutala diaka bila mbi balendi tukandika ko tuluta longuka zaba Yehova.
4. Nzambi kakikininanga ko mabundu moso
Batu bawombo beta banzila ti mabundu moso madi zinzila zikubanata kuidi Nzambi. A bue makiedika madi? Tanga Matayi 7:13, 14 ayi vana mvutu mu kiuvu kiaki:
Bue Bibila kitubidi nzila yo yeta nata batu mu baka luzingu?
Tala VIDEO ayi vana mvutu mu kiuvu kiaki
Bibila kitubidi ti, mabundu moso meta yangidika Nzambi?
5. Mabundu maluvunu masokudilanga ko luzolo lu Nzambi
Mabundu maluvunu mazitisanga ko Nzambi mu ziphila ziwombo. Mu kifuani, mbuedulu’awu yi mioko mu zimvita didi diambu dikiadi dio dizabikini buwombo. Tala VIDEO ayi vana mimvutu mu biuvu biabi bilandikini.
Mabundu mawombo, mambu mbi matula mu thangu yi Mvita Wummuadi Wunza yimvimba?
Bue wum’banzila?
Tanga Yowani 13:34, 35 ayi 17:16. Ayi vana mimvutu mu biuvu biabi:
Ngeyo bue wunyindudila, bue Yehova keta muena thangu mabundu maluvunu malembu buedi mioko mu zimvita?
Mabundu maluvunu madi tho yi mambu mawombo mambimbi. Lenda vana bifuanusu bimmonisa ti mabundu maluvunu masokudilanga ko luzolo lu Nzambi?
Mabundu maluvunu masokudilanga ko luzolo lu Nzambi
6. Nzambi tidi kula batu mu mabundu maluvunu
Tanga Tsongolo 18:4a ayi vana mvutu mu kiuvu kiaki:
Mbi di kutula bo zebi ti, Nzambi tidi sadisa batu bo beta vunu kuidi mabundu maluvunu?
7. Tatamana longuka zaba Nzambi yi kiedeika
Mambu mo meta tuba ayi meta vanga mabundu maluvunu, mafueti balula phil’aku yo weta muena Nzambi? Yindula theti, enati muana mosi lozidi malongi makitoko momo siandi keta kunlonga, botukidi ku nzo ayi luzingu luandi lueka lumbimbi, siandi kakadi yangalala mu mambu mo malembu vangi muan’andi. Bila mbi dididi diambu dikambu busonga mu tuba ti, siandi niandi tidi ti muan’andi kadengana ziphasi ziozi?
Bue wummuena, madi ba diambu dibusonga mu fuemina Yehova ayi lembu longuka kun’zaba mu bila ki mambu mambimbi mo mabundu maluvunu meta vanga?
BATU BANKAKA BETA TUBA TI: “Basie bue tia ko ba bayolukila mambu ma Nzambi, bila mabundu ma mevanga mambu mawombo mambimbi.”
Ngeyo phe bua weta muena?
Bila mbi mambu mo meta vanga mabundu maluvunu, ka malendi baludila ko mbuenu’aku mu diambu di Yehova?
MU BUKHUFI
Mabundu maluvunu mazitisanga ko Nzambi, bila meta longa mayindu mambimbi ayi meta vanga mambu makiadi ayi mambimbi. Nzambi wela mabunga.
Phutukulu
Bue weta muena mambu mo meta longa ayi meta vanga mabundu maluvunu?
Yehova bue keta muena mabundu maluvunu?
Nzambi bue kela sundudila mabundu maluvunu?
TALA MAMBU MANKAKA
Ntindu miodi mi mabundu maluvunu ka miyangidikanga ko Nzambi.
“Mangomba nyonso ezali ndenge moko? Nyonso ememaka epai ya Nzambe?” (Lisolo oyo ezali na Internet)
Bila mbi Yehova katididi ti tukutakananga va kimosi mu kunsambidila?
“Kozala mondimi ya lingomba moko ezali na ntina?” (Lisolo oyo ezali na Internet)
Mumpe mosi wuyiza tona mmemata mu diambu di dibundu diandi, vayi diawu ko dinkakidila mu tatamana longuka kiedika mu diambu di Nzambi.
“Ntina oyo sango moko alongwaki na lingomba na ye” (Lamuká!, 02/2015)
Tona thama mabundu mawombo meta longa malongi maluvunu, ti Nzambi widi mutu nio widi kielo kuidi batu ayi ntima mbimbi kadi. Vayi Bibila mbi kinlonga bukiedika?
“Mateya ya lokuta oyo etindaka bato bálinga Nzambe te” (Linɔ́ngi ya Mosɛnzɛli ya 01/11/2013)
a Muingi wuzaba bila mbi bio nkanda wu Tsongolo, weta tubila mabundu maluvunu dede nketo nio tedolo Babiloni dinneni, tala noti No. 1.