DILONGI 38
Mona luzingu dikaba dimfunu wombo
Mu luzingu mu lenda ba zithangu ziwombo zimboti. Kadiambu ko tulenda ba mambu makututatikisa vayi tulenda yangalala mambu mankaka mo tulenda dengana mu luzingu. Bue tulenda monisina ti tueta vana mfunu wombo mu dikaba dio batuveni dizinga? Ayi diambu mbi dilutidi mfunu dikututuma tubutudila?
1. Bila mbi tufueti muena ti luzingi luidi dikaba dimosi dimfunu?
Luzingu lufueti ba mfunu wombo va meso meto bila luidi dikaba dio Yehova Nzambi yi luzolo katuveni. Niandi “tho yi luzingu,” yinsundula niandi wuvanga ntindu woso wuluzingu. (Minkunga 36:9) “Niandi weti vana luzingu ayi weti vana batu boso phumukunu ayi niandi weti vana bima kuidi batu boso.” (Mavanga 17:25, 28) Yehova weti tuvana bima bio bintombana muingi tuzinga. Yisi ko ti bima kaka keta tuvana vayi weti tula diaka ti tumona khini mu zinga.—Tanga Mavanga 14:17.
2. Bue tulenda monisina Yehova ti tueta yangalala dikaba di luzingu dio katuveni?
Tona muna vumu ki mama, luzingu lueto mfunu luidi kuidi Yehova. Mu lutuadusu lu pheve santu yi Nzambi, Davidi wumosi mu bisadi biandi wukamba Nzambi ziphova ziazi: “Meso maku mamona nitu’ama yikambu kubuku.” (Minkunga 139:16) Luzingu lueto mfunu wombo luidi kuidi Yehova. (Tanga Matayi 10:29-31.) Weta mona phasi ziwombo mu ntima thangu mutu kakivondidia voti thangu mutu kavondidi mutu nkaka. (2 Mose 20:13) Yehova weta mona phasi ziwombo mu ntima thangu tutudidi luzingu lueto mu vonza voti mu thangu tulembo tudi luzingu lu batu bankaka mu vonza. Thangu tulembo tanina luzingu lueto voti lo lu batu bankaka, tueta monisa ti tueta yangalala mu dikaba di luzingu dio Yehova katuvana.
TUVISA MBOTI MBOTI
Tutadila mua ndambu ziphila ziozi tulenda monisina ti tueta yangalala dikaba di luzingu.
3. Tanina buvini buaku bu nitu
Thangu mukristu kakiveni kuidi Yehova, weta kumvana luzingu luandi loso. Yidi banga niandi veni Nzambi luzingu luandi nkailu, diawu kafueti kulukeba mu phila mosi yimboti. Tanga Loma 12:1, 2 ayi vana mimvutu mu biuvu biabi:
Diambu mbi difueti kukindisa mosi wutaninanga buvini buaku bu nitu?
Mu ziphila mbi wulenda kebilanga buvini buaku bu nitu?
4. Tanina luzingu luaku ayi lu batu bankaka
Bibila kieta tukindisa tumanga diambu dioso dio dilenda lueka ayi difueti vonda mutu voti betu veka. Tala VIDEO muingi wuzaba bue lenda buedila mioko mu tanina luzingu lu batu bankaka.
Tanga Minkunga 22:3 ayi tubila bue wulenda kitanina ayi tanina batu bankaka . . .
ku nzo’aku.
ku kisalu.
thangu wulembo tudi fiziki.
thangu widi mu ditoma.
5. Kinzika luzingu lu muana nio widi mu vumu
Mu thubulu yi kifuani, Davidi tubidi luvalu lo Yehova keta vana luzingu ayi ndionzukulu yi muana nio widi mu vumu. Tanga Minkunga 139:13-17 ayi vana mvutu mu kiuvu kiaki:
Thangu mbi luzingu lu mutu lueta tona va meso ma Yehova, bo kadi mu vumu voti bo kabutukidi?
Minsiku miomi Yehova kavana bana ba Iseli mieba taninanga baketo bo baba na memba ayi bana bo baba mu bivumu biawu. Tanga 2 Mose 21:22, 23 ayi vana mimvutu mu biuvu biabi:
Bue Yehova keba muenanga mutu nioni vondidi mu kizida luzingu lu muana nioni widi mu buemba?
Bue kalenda muena mutu nioni wubutudidi mu nkob?
Bue wummuena mbueno yi Nzambi mu mambu beni momo?
Mu mambu mankaka, buba nketo nio weta vana luzingu luvalu kalenda banzila ti botula buemba yidi solisio. Tanga Yesaya 41:10 ayi vana mimvutu mu biuvu biabi:
Enati nketo mosi balembo nkuiki mu kingolo kabotula buemba, kuidi na kalenda bakila lusadusu? Bila mbi?
BATU BANKAKA BETA TUBA TI: “Nketo woso widi na luve lu botula buemba bila nitu beni yandi veka yidi.”
Mbi bisadisidi wukikinina ti Yehova weta vana luvalu luzingu lu muana nio widi mu vumu ayi lu ngudi’andi?
MU BUKHUFI
Bibila kieta tulonga ti luzingu luidi dikaba dio dibedi kuidi Yehova. Tufueti zola, zitisa ayi tanina luzingu lueto ayi lu batu bankaka.
Phutukulu
Bila mbi Yehova keta vanina luvalu luzingu lu mutu?
Bue Yehova keta muena mutu nio vondidi n’diandi mu luzolo luandi veka?
Bila mbi wididi phutudulu matondo kuidi Yehova mu dikaba diluzingu?
TALA MAMBU MANKAKA
Bue tulenda vutudila Yehova matondo bu katuvana luzingu?
Kiuvu mu mvutu: Mutu nioni wubotula buemba Nzambi kalenda kulemvukila?
“Biblia elobi nini mpo na likambo etali kolongola zemi?” (Lisolo oyo ezali na Internet)
Bue mbueno yi Nzambi mu diambu ditadidi luzingu yilenda kutusadisila tuzaba bu sobudila bumboti phila yi vukusila?
“‘Masano oyo etyaka bomoi na likama’—Osengeli kosala yango?” (Lamuká! ya 08/10/2000)
Bue Bibila kilenda sadisila mutu nio widi mayindu ma kukivonda?
a Yehova weta kitatikisa buwombo mu bila ki batu bobo badi mintima mikofakana. (Minkunga 34:18) Weti sudika zingindu zi ziphasi zio zilenda tuma batu bo beta ba mayindu ma kukivonda ayi tidi sadisa batu beni. Muingi wuzaba mamboti mo lusadusu luandi lulenda nata, tanga disolo (“Nazali na mposa ya kokufa—Biblia ekoki kosalisa ngai ntango nazali na makanisi ya komiboma?”) disolo beni didi va buangu “Tala mambu mankaka” mu dilongi diadi.
b Batu bobo babotula memba, balendi ko kukitakisa buwombo mu mayindu. Bila Yehova kalenda ku balemvukila. Muingi wuluta zaba mambu mankaka, tala disolo (“Biblia elobi nini mpo na likambo etali kolongola zemi?”) didi va buangu “Tala mambu mankaka” mu dilongi diadi.