Ni chitiidiʼ dxi bibí para guidagulisaanu

Dxi bibí para guidagulisaanu iza dxiiñaʼ 2009 ca zaree lani: «Binduuxeʼ chaahuiʼ dxiiñaʼ ni gucuaaluʼ», zeedani lu Colosenses 4:17. Laanu, ca xpinni Cristu, racaláʼdxinu gúninu dxiiñaʼ ca jneza ne gundúʼxenu ni ra chinándanu ejemplu stiʼ Jesús (Juan 17:4). Apóstol Pablu laaca gudixhe ique gunduuxeʼ dxiiñaʼ gucuaa, nga runi laaca nácabe ti ejemplu para laanu (Hech. 20:24).

Binnigola ni riganna ca binni ridagulisaa zaníʼ ximodo rudxiilú ca xpinni Cristu chupa chonna de ca guendanagana ni rápacaʼ ora maʼ canagucheechecaʼ diidxaʼ. De racá zadiʼdiʼ ti libana ni láʼ «Cultivemos la semilla plantada», ni zacané laanu para ganda gacanenu ca binni ni maʼ nuu listu para «icaa enda nabani ni qué zaluxe» (Hech. 13:48). Bíʼchinu ni chiganna laanu ca primeru zusiénebe cada tobi de ca versículo stiʼ 2 Corintios 6:1-10 lu libana «Nos recomendamos como ministros», ne huadxí ca zudiibe sti libana ni láʼ «Tengamos en alta estima nuestro ministerio». Laaca nabé zaguu ca libana riʼ gana laanu: «Jóvenes y mayores disfrutan del ministerio» ne «Jóvenes que cumplen el ministerio». Pa maʼ guníʼneluʼ Dios lu oración para gúniluʼ ni na ne racaláʼdxiluʼ chúʼnisaluʼ dxi gaca guendaridagulisaa riʼ o dxi gaca stobi de chupa gubidxa la? gúdxini binnigola ni rapa guiráʼ stiʼ binni ridagulisaa dede yanna. Lu guiráʼ ca guendaridagulisaa riʼ riuundaʼ Torre stiʼ ni rapa. Nga runi, cadi guiaandaʼ chineluʼ revista ni chiguiuundaʼ semana ca.

Para ganda gundúʼxenu dxiiñaʼ bisaanané Jiobá laanu la? qué riquiiñeʼ diʼ gudiʼnu lugar chuʼ sti cosa o sti dxiiñaʼ ni gucueeza laanu de gúninu ni. Guiráʼ ni chitiidiʼ lu guendaridagulisaa riʼ zacanécani laanu, laaca zazíʼdinu xi naquiiñeʼ gúninu para chuʼnu dxiichiʼ lu stiidxaʼ Dios ne zucaani laanu guiníʼ íquenu ximodo gundúʼxenu dxiiñaʼ stinu.