Cadi gudiʼnu lugar guicá modo riníʼ ique binni guidxilayú laanu ora quixhe chaahuinu modo gaca ti boda

Stale decisión naquiiñeʼ guicaa ca xpinni Cristu ni chiguichaganáʼ ora quixhe chaahuicaʼ modo gaca boda sticaʼ. Zándaca chuuláʼdxicabe gúnicabe boda stícabe né stale luju purtiʼ zacá rácani lugar ra nabézacabe. Laaca zándaca gabi familia ne xhamígucabe laacabe ximodo zanda gaca boda stícabe, purtiʼ nuucaʼ gacanecaʼ laacabe. ¿Xi principiu zeeda lu Biblia zanda gacané laacabe para quixhe chaahuicabe boda stícabe ne siempre guietenaláʼdxicabe ni né stale guendanayecheʼ ne chuʼ conciencia stícabe nayá yaʼ?

DESPUÉ DE GÚʼYALUʼ VIDEU NI LÁʼ CA BODA NI RUSISACA JIOBÁ, ZANDA GUICÁBILUʼ CA PREGUNTA RIʼ:

• ¿Ximodo gucané ca principiu zeeda lu Biblia riʼ Nick ne Juliana?

  • 1Co 10:31

  • 1Jn 2:15, 16

  • Gál 5:19-21

  • 1Ti 2:9

• ¿Xiñee naquiiñeʼ cuiʼ ca novio ti xpinni Cristu ni naca espiritual para gaca «director stiʼ guendaxheelaʼ»? (Jn 2:9, 10, TNM).

• ¿Xii nga cosa ni biʼniʼ decidir Nick ne Juliana gaca lu boda sticaʼ, ne xiñee?

• ¿Tuu nga naca responsable de guicaa guiráʼ decisión stiʼ boda ca? (w06 1/11 yaza 13 párr. 10).