Pa Vunga Yesu ki Da ti Pa Kpioko

Mbori akedi gu maraika nga Gaburere fuo gu degude nangia Maria. Ko agumba gupai furi nga ri nika vunga gude nga guko nika zogarago ni bakindo nyeanye kindi. I avungu Yesu bambu anya yo, yo du ababanda akandoro aye ka bi ko ni. Kusa, kerekuru aye na akumba Uroyo koyo gi gude re adu ni. Ani naino pa gu boro nasayo i bi gu kerekuru re, na wai Yesu abati be Erode.

Fuo gure, ho garã Yesu adu ni 12, ko afura na abayugupai yekaru yo. Fuo agarã 18, Yesu azi bapatiza, ko ki tona sunge tungusapa Kindo nga gu Mbori akedi ko ku sende no ko mangihe. Yesu asia akumba 12 ni gako amokedi tipa i undo ko ti gi sunge re.

Yesu amangi dungu iiriwoapai a. Ko arigi badungu akutu aboro na wiri rukutu atĩo tooni gbua gbiati wiri kpakuto tooni. Ko ahusi aborokaza na ki zingisi kpikpi aboro be kpio. Ni yangaraha, apangbanga ho nga gu du tipa agu apai Yesu amangihe rogo gu uru naadu mbata fu kpiko gbiati wai i aimiko. Yesu atungusipai tipa garã biata na beberehe, sidu, agu apai du rogo SITA Paparaha amangi vuru agarã 34 na bete adiwi kuriihe.