“Bakio Regbo Wai Si Aida Mi Gedihe?”

Ya mo oni asananga gu sanahe re? Arugute tipa gipai re gudu rogo gu buku nga Organized kpewaraga 86-87. I naafu kura arugute afu ti kura aregbo nibipa geda regbo ba tungusapai yo, wa gu i afuhe rogo gu Sanduki Asanahe nadu rogo gu Gaani Sunge Nga ga Kindo nga ga Mbirinvuo 2008. Wa duhe nga agu apai du tipa aboro si nibakiakia, si du i atangaranga arugute ti ni furani tipaha ya. Sidu tie, si aidanga abaakumba watadu kura aboro moi kura arugute berewe tipa gipai re susi gudu nikekehe te.

Ka si du nga sanahe kuru ono ka rugute adunga ho nikekehe tipa gupai re ya, si naida batungusipai sana tiní na gu sanahe nga: Ya mo mi adi gu regbo re ku gene tungusapai yo? Watadu mi adi gu regbo re kuti manga gupai angianga papara gu sunge re nzunzu ya? Gupai ani akehe ti gaani ripoti nga ga diwi, si naida si du nigupai nafu ngbarago afu furani, angianga gupai nafuda sangbakpotoraniyo ya. (Amo. 23:1) Na gupai si aida ani naaberãpaha gbe nga pa dia ani gaani regbo kuti sunge tungusapai, angianga pa tungusa ani pai tipa ka gbia regbo watadu asaa ya.​—Eb. 6:11.