Sanduki Sanahe

◼ Gini Regbo si Aida Ani Mbu Wisigo Ziazia Kekeapai na Boro Ti Ni?

Ka si du nga gu boro nawisigo Ziazia Kekeapai amanganga sona kumbatayo te, mo ima rengba ka mbu wirika Ziazia Kekeapai na ni ngba wene gene. (Mt. 10:11) Mo makia agi apai re: Ya mo ni nabanda regbo tipa wirikapai? Ya mo ni naambakada gani wirikapai mbu regbo ko yo? Ya mo ni naaye tipa kura adunguratise? Ya mo ni nagumba agu apai ni awirikaha fu kura aboro? Ya mo ni namanga ariapai ringbisihe kuti agu arugute du rogo Ziazia Kekeapai? Rengo ngaha nga, si naida ani makiapa garã yo, gayo rengba na pai, ki ini gupai nga ga aboro sona kumbatayo rogo toro yo ni bakiakia. Na ka si du nga mo naida ka rugusa wisigo Ziazia Kekeapai na boro, mo mbugene ni zazaha tipa ka ni aida ka tona wisigo Ziazia Kekeapai berewe kumbatayo.​—1 Tim. 2:4.