Pa Nyaka Gamo Idapase Wai Kuti ga Yekova Akidohe?

AYosua na Soromo aima bi gupai nga agu akidohe nga ga Yekova dunduko aima manga, anga gu ho sa na kpa te. (Yos. 23:14; 1 Aba. 8:56) Gi pai agi adezire re abihe, nga mburu gu nyanyakipa pai rengbe ani ka maa gaani idapase riihe.—2 Kor. 13:1; Tito 1:2.

Wai gu Yekova adigisi gako kidohe ti regbo Yosua? Oni bi gu vidio na gaoni aborokporo nga, ‘Anga Pai Sa Nakpa Te.’ Na oni ki sakipai tipa agi asanahe re: (1) Wai gu rengbe mo ka wirika ga Raba mangaapai nga ga idapase? (Eb. 11:31; Yak. 2:24-26) (2) Wai ga Akana kpiapai ayugo gupai nga basasangba Mbori rogo wia yo naye na kerepai? (3) Wa si avura du vuru nga agu akumba nangia ga Gibona yo angia nyanyaki abasovura, tipagine i anangi Yosua ti ni na ki mangi pazereda na aYisaraere? (4) Wai gu fugo Yekova ada ti rengo ho abakindo bisue nga ga aAmoro yo aserekpo Yisaraere ni? (Yos. 10:5-14) (5) Wai gu Yekova namangipai foro wa mo namoi ga Mbori Kindo gbiati gako rurupai mbatayo rogo gamo raka?—Mt. 6:33.

Wa ani kaa berãkurii agu apai Yekova namangihe, gu ko amangaha, gbiati agu ko nika mangaha, gaani idapase kuti gako akidohe nika du ni nyanyakihe.—Rom. 8:31, 32.