Uru Aru Kindi

MO BINGO Yosua. Ko naya: ‘Uru, mo ru kindi!’ Na uru ru tigaha a kindi. Si ru bebere ngbangbaturũ tipa uru naabaha. Yekova du nasa gupai nga si mangi wo! Ono ani bingo gupai Yosua aaida uru ru ti ni ­kindi zanga ti.

Ho gu gbegberẽ abakindo naadu bisue nga aguyo naadu ringara Kanana yo atona ka so vura ni na aboro Gibona, aboro Gibona akedi kumba ko ndu ka sana Yosua tipa undo. Gu kumba re ki ya: ‘Mo ye ni ipo! Mo ye ka batasarani! Agu abakindo du rii bagangara yo ye fuo gamo amoyambu na vura.’

Ti kina gu regbo re, Yosua na gako aborovura ki guari ka ndu. I ki ndu yuru sasasa. Ho i adani Gibona yo, agu abanzengere nga ga agu abakindo naadu bisue agunde na i ki tona ka zubo beyo. Yekova ki bafu bakikindigi morogumba ngbangbaturũ yo, badungu gayo aborovura ki kpiki be morogumba susi aguyo nakpiki be agu aborovura nga ga Yosua yo.

Yosua ki bi gupai nga uru nika ti awere. Rago nika biso, na badungu agu aborovura nga ga agu abakindo du bisue nika mera beyo. Si du Yosua akpari ti ni fu Yekova na ki ru ki ya: ‘Uru, mo ru kindi!’ Na ho uru aru ni kindi, aYisaraere anyasi gayo diabevura.

Dungu gbegberẽ abakindo adu kinaho kindi Kanana yo nga aguyo naasoga ga Mbori aboro. Si adi Yosua na gako aborovura nga agarã sita tipa i dibe abakindo 31 rogo gu ringara re. Ho gi vura re anyasi ni, Yosua abi gupai nga, i kparaka gu ringara nga ga Kanana ti awiri aYisaraere nga aguyo naagbianga rago mbata ya.

Dungu agarã asusi, Yosua ki kpi garãko nadu nga 110. Vuru agu aregbo dũ ko na abakureako adu ni ungayo, aboro anaagiasangba Yekova agia kindi. Ono ho gu wene akumba re akpiki ni, aboro atona ka manga gupai naadu ni gbegberẽhe na i ki rimisi tiyo ku rogo kpakarapai. Gere nga gu regbo i aaida ga Mbori undo.