Tona ti Kusaahe Dakuti Ime Akangbii

Wari angbangbaturũ na kpotosende aye ni? Wai uru, diwi, na akerekuru gbiati gu kura dungu ahe du auru kpotosende aye kadu ti ni? Ziazia Kekeapai nape gu rengo nga Mbori du nakusi agu ahe re. Sidu, gaani kitabu tona na agu apangbanga du tipa kusaahe.

Ani nawirika gupai nga gu bambata ahe Mbori akusihe angia agu aboro nga atoro nga aguyo du wakina ko. I nayambayo nga amaraika. Ono i ambakadi kpotosende tipa aboro wa ani. Sidu, Mbori ambakadi kumba na dee nga Adamu na Eva ki moiyo rogo bawene ati. Ono i abasasangba Mbori ki gberesipa gayo nyenye raka.

Tona tigu regbo i ambakadi Adamu ki dati regbo Ime Akangbii, agarã asusi dunduko nga 1,656. Ti gu regbo re dungu gbegberẽ aboro naraki. Ngbangbaturũ yo, Satana adu yo na gako gbegberẽ amaraika nga aguyo ka ani abingo yo ya. Aguyo naadu auru kpotosende no angia Kaina na kura dungu gbegberẽ aboro, kodihe na kura ngbatunga kere airaome. Ono wene aboro adu adu auru kpotosende, nga Ebere, Enoka, na Noa. Rogo BAMBATA Paparaha, ani nika gedapai tipa agi aboro re na agu apai i amangihe.