Amoize na Arona Andu ka Bi Faro

HO Moize akaraga tiko ni ku Ezipeta yo, ko agumbapa gu iiriwoapai namangi dunduko fu unvurako nangia Arona. Na ho aMoize na Arona ayugu gi iiriwoapai ni re fu aYisaraere, aboro aidi kuti gupai dunduko nga Yekova du nakedi yo.

Fuoho, aMoize na Arona ki ndu ka bi Faro. I aya fuko: ‘Ya Yekova nga ga aYisaraere Mbori wẽ, “Mo idihe fu gimi aboro i ndu ka iriso re ngbakungba yo tipa arame biata.” ’ Ono Faro ki karagaha ki ya: ‘Mi ainongo Yekova te. Na mi aidanga aYisaraere ndu a te.’

Faro aima zinga ni kerehe, bambiko aYisaraere aaida ka guari ti sunge ka ndu ka iriso Yekova. Si ki tadu wo, ko kini sayo i nimangisunge nyanyaki susi gu naadu mbata. AYisaraere atona ka bira kina Moize tipa wai i aarungo, na rago aima gberã ti Moize mbiko gipai re. Yekova aya fuko ka ko bakingo bangiriko ya. Yekova aya: ‘Mi nika sa Faro asa ko idihe fu gimi aboro i ndu.’

AMoize na Arona andu ka bi Faro berewe. Bara gere, i amangi iiriwopai. Arona aba gako ngbondo ku sande, si ki sa tihe ni woo. Ono ga Faro abinza ki bafu gayo angbondo ku sande a, si ki sakitihe ni awoo. Ono mo bingo gu sura re! Ga Arona woo nambira agu awoo nga ga agu abinza re. Ono Faro avura bi gipai re ka ko aidanga ha fu aYisaraere i ndu ya.

Regbo ada fu Yekova ko yugupai fu Faro. Mo ini gupai ko amangihe? Ko aye na agberãngbi 10 kurii Ezipeta.

Ho agu agberãngbi re atona ka ye ni, Faro akedi sunge fuo Moize ki ya: ‘Mo rugusi agu agberãngbi re, mi ki za bere ti aYisaraere i ndu.’ Ono ho gberãngbi aniru ni, Faro aniaria berãko. Ka ko aidanga ha fu aYisaraere i ndu ya. Ni yangaraha, fuo ye gu bawe gberãngbi, Faro aidihe fu aYisaraere i ndu.

Mo ini agu agberãngbi Yekova aye na ni 10 re? Mo banga kpewaraga ani bingoho.