Tona ti Kusa AYisaraere Ezipeta yo Dakuti Bambata Bakindo Yisaraere

Moize akusi aYisaraere be sunge akanga Ezipeta yo ki ndu na yo ku Bagangara Sinai yo, yo Mbori afu gako andiko ni fuyo. Kusa, Moize akedi akumba 12 i ndu ka maarago Kanana yo. Ono akumba 10 dagbayo ayego na gbegberẽ pangbanga. I asa aboro i idi ka karagatiyo berewe ku Ezipeta yo. Mbiko gu zanga idapase nangia ga aYisaraere, Mbori afu mbusa fuyo nga i ta rogo ngbakungba tipa agarã 40.

Ni yangaraha, Mbori asia Yosua ko ngbembatayo fu aYisaraere ku ringara Kanana yo. Yekova amangi iiriwoapai ka undo yo i di gu ringara re. Ko asa gu di nga Yaradene si mbu fu, ki sa agu angapa nangia ga Yereo si tiwi, na ki sa uru si ru rogo gu baha zanga ti. Fuo agarã sita, aYisaraere adi ­ringara be aKanano.

Abasapungbanga azogo Yisaraere tipa agarã 356, na bambata basapungbanga nangia Yosua. Ani nagedapai tipa badunguyo, kodihe na Baraka, Gidiona, Yepeta, Samusona, na Samuere. Ani nagedapai tipa kura adee a, wa Raba, Debora, Yaere, Ruta, Naomi na Derira. Agu apangbanga dunduko du rogo BIATA Paparaha amangi vuru agarã nga 396.