Agu Azire Yugopai Sita Du Rogo Agu Apambori I Aya Tipaha We Si Nga Ga Akristano
GU MOKEDI nangia Pauro akepai fu agu aKristano naaraka ti digido bambata sa kama agarã ki yaa: “Oni bánda tironi.” Tipagine ko afu gu zahe re ti ni fuyó? Mbiko ‘gu boro ka gbarasa yó na gani nyemu tatamana na kungba nangahe, wa du pa aboro, na gu tatapai nga ga zegino, wa pa Kristo te.’—AKorosaio 2:8.
Wa Pauro avura fu zahe nimbedi kuti digido ue kama agarã, F.B.K., gu kura aKristano atona mangasunge na gu zire yugopai i adihe be agu aboro nadu na nyemu tatamana tipa ka sakapai nani tipa gayó aida. Tipagine i amangihe ti ni wo? I amangi gupai re tipa rago ngba ti gu kpaya abawirikipai nadu rogo gu Ngbii nangia ga aRomo na tipa ka sa dungu aRomo ni aKristano.
Justin Martyr nangia bangbasia dagba agu aKristano re aima ida kuti gupai nga, gu kumba naanafura kuba Mbori aima yugo tiko fu agu aGiriki nangia aboro nyemu tatamana mbata fu ye ko ku auru kpotosende na gu rimo riko nga Yesu. Ringbisihe kuti Justin gbiati agu aboro nanaayugo kina gu bangisapai ko aidi kuti ni re, i ayawee gu yugopai nga ga agu aboro nyemu tatamana re gbiati gu yugopai nangia ga aKristano asa gu gayó pambori re nigu pambori aboro abihe na nyanyakipaha.
Gi ga Justin Martyr ngbatunga pambori nga ga aKristano re aima ngba ti aboro na dungu aboro ki sa tiyo kurogoho. Ono tie, pa ida aboro kuti gi zire yugopai re nasa gupai nga i tona ka ida kuti gu dungu azire si atona ka vungaha nga gu du areme nidunguhe rogo agu apambori i aya ti ni wee si nga ga aKristano. Tipa ka ino gi zire yugopai re, ani ringbisinga agu apai naye re na gupai nzunzu Ziazia Kekeapai ayugoho.
[Gu kpiahe du ti kpewaraga 3]
Bakitingbanga: Barrators—Giampolo/The Doré Illustrations For Dante’s Divine Comedy/Dover Publications Inc.; amaraika: Art Resource, NY; kpia trinita: Museo Bardini, Florence