Agu Asanahe Ziazia Kekeapai Akaragapai Kutini

Ada nika ga ku ngbangbaturũ yo, na tipagine?

Amirioni aboro naida ka ga ka raka ngbangbaturũ yo. Yesu aya gako ruru amokedi nika raka ngbangbaturũ yo. Mbata fu ko kpi, ko akido yó nga ko nandu fuo Bako i mbakadi ba tipa yó ngbangbaturũ yo.​—Oni gedi Yoane 14:2.

Tipagine i nika zingisa aboro ti ni auru kpotosende ane i ga ku ngbangbaturũ yo? Ginipai i nika mangaha yo? Yesu ape gupai nga gako abawiriki nika du ni abakindo. I nika zogarago ku auru kpotosende.​—Oni gedi Ruka 22:28-30; Yugoti 5:10.

Ya mo wene aboro dunduko nika ga ku ngbangbaturũ yo?

Rogo dungu aringara, kina bete aboro gbua nazogarago. Wakina gure a, Yesu nika zingisa bete aboro i ga ku ngbangbaturũ yo tipa ka zogarago ku auru kpotosende no. (Ruka 12:32) Ziazia Kekeapai ima fura tipa namba agu aboro nika zogarago na Yesu.​—Oni gedi Yugoti 14:1.

Anga kina agu aboro sa nika ga ku ngbangbaturũ yo nika gbia amaku te. Gu ruru azogo nga ga Kristo yó nika raka wene raka nyeanye kindi rogo paradizo auru kpotosende. (Yoane 3:16) Bete aboro nika rimo ku rogo paradizo fuo bata yó ti gu regbo i nika gbarasa gi gbegberẽ sino raka re. Aguyo nika rimo koyo fuo zingabekpio.​—Oni gedi Atambuahe 37:29; Yoane 5:28, 29.