Oni Atahiisongo Ho Tee?
Ka hiiso gine? Ka hiiso DPA (nga gu karete nafu gene fu borokaza ní yambu kura boro ní ye ka fura kubaní fu amunganga), watadu gu nga AMD (Advance Medical Directive), nga agu akarete du fu agu aDezire Yekova naima zio bapatiza. Wa duhe nga “oni aina nga gu pai nikamanga gba te,” si ninyanyakipa pai oni ima diaberã ki fura tipa gu sunge husa roni oni aida amunganga mangihe ho ka pai tunguo roni ni hee ki ima ma-roni ka oni ainongo gupai namanga ya. (Yak. 4:14; Amo. 15:28, 29) I akusi gu kasete vidio nga Transfusion-Alternative Health Care—Meeting Patient Needs and Rights tipa si undo roni rogo gipai re. Oni bi gi vidio re na oni ki kparikpee na ki ngere berewe rii gupai wiriki oni he na gu undo agu asanahe du kusende re afuhe.—Tingidapai: Wa duhe nga gi kasete nga ga vidio re nayugo amunganga i nigbaki akaza, si naida avunguagude diberã singia si daada awiriyo bihe watadu si aidanga awiriyo bi kereapai wa gure te. Rogo agu arago adunga vidio rogoho ya, si naida i wisigi gupai du riihe nga “Questions From Readers” rogo gu Ngbaõbambu Sinziri nangia ga Banzinga 15, 2004 na gu nga “Asanahe be Agedihe” rogo gu Ngbaõbambu Sinziri nangia ga Ngbangba 1, 2000, watadu gupai du riihe nga “Are You Ready to Face a Faith-Challenging Medical Situation?” du rogo gu Gaani Sunge Nga ga Kindo nangia ga Ngbangba 1990.
(1) Tipagine kura amunganga naʹaria gayó berã ti ni riipa fu kure kutii kpoto aboro yo? (2) Oni funga akpiapai biata tipa gu kpakarakpakara sunge gba-kaza i amangihe zanga fu kure. (3) Bange amunganga wai gbiati abagbaki akaza rogo zegino idi ka manga sunge aborokaza zanga fu kure kutii kpotoyo yo? Tipagine i aida ti ni ka mangaha wo? (4) Ginipai aboro-bambungua nabihe awere tipa mangasunge na kure? (5) Gini kereapai du ti fu kure kutii kpoto boro yo? (6) Ginipai kura amunganga nada kuti ni nibipa fu kura aziga fu aboro kuba kure? (7) Gine nasa kure si ugudi tiikpoto boro yo? Aboro rengbe ka hi gu kaza re ki da nani wari? Ginipai rengbe yó ka mangaha tipaha? (8) Ginipai rengbe yó ka manga kpoto boro nani tipa si tona ka kusa zamba para kure? (9) Gini abirĩ amunganga amangasunge nani tipa ka umbasi bakio gu kure naga ti regbo gbakaza? (10) Ya mo agu aziga du kuba kure, i rengbe arengba ka mangasunge nani tipa rukutu agude na tipa agu aboro du gayó unga ngbapai? (11) Gine nga gu bawene bangua arugute kisusi du tipa sunge amunganga? (12) Tipagine duhe ti ni ninyanyakipa pai aKristano siaka gu sunge husa akaza asiaka zanga kure mbata fu regbo? Wai rengbe ani ka mangaha?
Pa ida boro na gu kura sunge husa akaza dagba agu du paha rogo vidio re nabi kina boro nisani na si naruriipa gu gani sangbakpotoyo ní arabaha na Ziazia Kekeapai. Oni ima diaberã tipa gu sunge husa akaza oni aidaha tipa tironi na tipa awironi na ki hiisi gu karete nga DPA watadu AMD? Ka oni aida ka gbia sakapai naabaha dunduko tipa gipai re, oni wisigi gu buku wenengai nga “God’s Love” kapita 7, na gu kura awaraga yuguyo bara apai kurogoho. Oni bi gu kpewaraga a du rogo gu Gaani Sunge Nga ga Kindo nangia ga Ngbangba 2006, du riihe nga, “Wai Mi Abi Apapara Kure na agu Agene Husa Kaza I Amangaha na Kina Kurere?” Niyangaraha, oni keke gaoni adiaberã rii gu karete re. Si naida oni ima tingida agu aboro nani du rimoyo rogo gu gaoni karete du tipa ne kure re gbiati agu agumeroni angianga aDezire Yekova ya, ya si nga gupai oni nadiberã ka mangaha.
[Gu sura du ti kpewaraga 3]
• Oni ima diaberã tipa gu sunge husa akaza oni aidaha tipa tironi na tipa awironi?
• Ya mo oni nata na gaoni DPA watadu AMD beroni tipa ka tunguotunguopai mangi?