Oni Mbakaditironi Tipa Tunguotunguopai?

Pai rengbe ka gbia boro nikina tunguotunguoho zanga ní ini nga si naye. (Yak. 4:14) Sidu tie, gu boro duna tatamana naima mbakada tiní mbu regbo koyo kindi. (Snz. 22:3) Oni ima diaberã tipa gu sunge husa roni oni aida amunganga mangihe ho ka pai tunguo roni ni, na ki ke gaoni diaberã? I akusi gu vidio nga Transfusion-Alternative Health Care—Meeting Patient Needs and Rights tipa si undo roni rogo gipai re. Si nga ue papara gupai du rogo gu DVD nga Transfusion-Alternatives—Documentary Series. Wa oni kaa bi gu vidio re, oni berẽ kurii agi asanahe du kusende re ka bihe singia oni rengbe ka karagapai sani. Wa duhe nga gi vidio re nayugo amunganga i nigbaki akaza, si naida avunguagude diberã singia si daada awiriyo bihe watadu si aidanga awiriyo bi kereapai wa gure te. Rogo agu arago adunga vidio rogoho ya, si naida i wisigi gupai du riihe nga “Asanahe be Agedihe” rogo gu Ngbaõbambu Sinziri nga ga Banzinga 15, 2004 (rogo pa-Ngirisi) na gu nga ga Ngbangba 1, 2000, watadu gupai du rogo gu rimisirimisi kpewaraga du rogo gu Gaani Sunge Nga ga Kindo nga ga Ngbangba 2006.

(1) Tipagine kura amunganga naʹaria gayo berã ti ni riipa fu kure kutii kpoto aboro yo? (2) Oni funga akpiapai biata nga ga gu kpakarakpakara sunge gbakaza i amangihe zanga fu kure. (3) Tipagine dungu akutu amunganga na abagbaki akaza rogo zegino naidi ti ni ka manga sunge aborokaza zanga fu kure kutii kpotoyo yo? (4) Ginipai aboro-bambungua nabihe awere tipa mangasunge na kure? (5) Gini kereapai du ti fu kure kutii kpoto boro yo? (6) Ginipai kura amunganga nada kuti ni nibipa fu kura aziga fu aboro kuba kure? (7) Gine nasa kure si ugudi tiikpoto boro yo, na ginipai rengbeyo ka mangaha tipaha? (8) Ginipai rengbeyo ka manga kpoto boro nani tipa si tona ka kusa zamba para kure? (9) Gini abirĩ amunganga amangasunge nani tipa ka umbasi bakio gu kure naga ti regbo gbakaza? (10) Ya mo agu aziga du kuba kure, i rengbe arengba ka mangasunge nani tipa rukutu agude na tipa agu aboro du gayo unga ngbapai? (11) Gine nga bangua rugute sa dagba gu bambata bangua arugute du tipa sunge amunganga?

Pa ida boro na gu kura sunge husa akaza dagba agu du paha rogo vidio re nabi kina boro nisani na si naruriipa sangbakpotoniyo. Sidu tie, ka oni sungungo asungo da kinaho pai nika gbia roni ni oni kini ru ka diaberã ya. Ka oni aida ka ino wai ka manga wene diaberã, oni wisigi kapita 7 nga ga gu buku nga “God’s Love,” na gu kura awaraga yuguyo bara apai kurogoho. Oni bi gu rimisirimisi kpewaraga a du rogo gu Gaani Sunge Nga ga Kindo nga ga Ngbangba 2006. Niyangaraha, ka si du nga oni ima zio bapatiza, oni keke gaoni adiaberã rii gu karete nga DPA, (nga gu karete nafu gene fu borokaza ní yambu kura boro ní ye ka fura kubani fu amunganga). Si naida oni naata na gu karete re ti aregbo dũ.

[Blurb on page 3]

Oni ima diaberã tipa gu sunge husa akaza oni aidaha tipa tironi ki kehe rogo gu karete nga DPA?