Oni Ini gu Siapai Si Aida Oni Mangihe?

Rogo dungu aringara, abambungua duho i agba aboro rogoho zanga fu kure kutii kpotoyo yo. Ya mo oni ima ino agu asiapai si aida oni mangihe nibipa gu husa akaza amunganga amangaha zanga fu kure kutii kpoto boro yo? Si naida oni ini gupai aino wenengai si aida oni mangihe tipa wa ka oni ruho ka diaberã nibipa gu sunge husa roni watadu sunge gba roni oni aida amunganga mangihe. Oni bi gu kasete vidio nga No Blood​—Medicine Meets the Challenge [Amunganga Ima Diabe gu Kpakaraapai Du Tipa Mangasunge Aborokaza Zanga Fu Kure Kutii Kpotoyo Yo] Fuani, oni kparikpee tipa gupai wiriki oni he rogo gu vidio na ki fugupai rii agu apai oni nawirikihe, na ki wisigihe na agu asanahe du ku sende re. Oni kparia gupai nga, gu vidio re nayugo bete agu agene amunganga agbaka akaza ngbaha, si naida abaagude du na tatamana ho i nika bi gu vidio re ni, singia rẽhe arẽ i bihe wa sa na rukutu awiriyo. Kangia gu vidio re beroni te, oni fugupai rii agu “Asanahe Be Agedihe” du rogo gu Ngbaõbambu Sinziri nga ga Banzinga 15, 2004 rogo Pa-Ingirisi na Ngbangba 1, 2000 rogo Pa-Zande na ki wisigipai riipa agi asanahe du re nga gu rẽ tipa mangasunge nani.

(1) Ginihe nga gu bangua ndupai aDezire Yekova aidanga ka dia kure ti ni kutii kpotoyo yo ya? (2) Ho du aDezire Yekova ni na kaza, gine i aidaha? (3) Gini rengo du aborokaza nani beyo? (4) Tipagine rẽhe arẽ ti ni na ki ruaru ani sana amunganga i husi rani na gu kura ahu husa kaza gbiati gu kura abirĩ nga gu nika sanga rani ani di kure kutii kpotoraniyo ya? (5) Ho bakere kure naga ni kusayo tiikpoto boro yo, gini apai ue amunganga aperesapa mangaha mbata? (6) Gini bangua apai biama kura amunganga nada kuti ni nibipa fu kura aziga fu aboro kuba kure? (7) Wai rengbe amunganga (a) ka banda kure ka si ganga nibakerehe ti regbo gba kaza ya, (b) ka banda zamba apara kure, (d) ka sa kure si kii berewe, na (e) ka dia gu kure boro niima kura tiní tipa ka mangasunge nani berewe? (8) Oni ringbisinga pa gu sunge kaza nga (a) hemodilution (ka ngba kura ziga kurogo kure si du ngbarangbara) na (b) sa kure ka si naaganga susi ome ya. (9) Gini apai oni aida i tingidi roni nani nibipa gu sunge husa kaza du kuba kure? (10) Ya mo amunganga rengbe ka gba kere kaza watadu gu kaza duni kpakarakpakaraha zanga fu kure kutii kpoto boro yo? (11) Gini wenepai amunganga natona kaa mangaha wa du rago re?

Pa ida boro na gu kura sunge husa akaza dagba agu du paha rogo gu vidio re nabi kina boro nisani na si naruriipa gu sangbakpotoniyo raba nihe kuti Ziazia Kekeapai. Ya mo oni ima diaberã tipa gu sunge husa akaza oni aidaha tipa tironi na tipa awironi na ki ima hiiso gu karete nga DPA watadu AMD? Ka oni aida ka gbia sakapai naabaha dunduko tipa gipai re, oni bi gu riipai nga “Asanahe be Agedihe” rogo gu Ngbaõbambu Sinziri nangia ga Banzinga 15, 2004, (rogo pa-Ngirisi) na ga Ngbangba 1, 2000, gbiati gu rimisirimisi kpewaraga du rogo gu Gaani Sunge Nga ga Kindo nangia ga Ngbangba 2006 du riihe nga, “Wai Mi Abi Apapara Kure na agu Agene Husa Kaza I Amangaha na Kina Kurere?,” tipa ka manga gaoni diaberã nitironi nibipa gu siapai oni aida nani na gu oni aidanga ha ya. Niyangaraha, si naida oni bi gupai nga oni ima ke pa wai oni aida i husi gaoni kaza na gu oni aidanga ha ya rii agu akarete re. Si naida oni ima tingida agu aboro nani du rimoyo rogo gu gaoni karete du tipa ne kure re gbiati agu agumeroni angianga aDezire Yekova ya, ki ya si nga gupai oni nadiberã ka mangaha.