RAKA NI AKRISTANO
Oni Mbakaditironi Awere Tipa gu Tunguotunguopai Nga ga Kaza
Tipagine si Aida Oni Mbakadi Tironi Ti ni? Pai rengbe ka gbia boro ni kina tunguotunguoho i ki dika ni ku bambungua yo. Sidu tie, mo mangipai awere na omero dunduko tipa ka gbia undo wenengai ti agu ambakadapai duho tipa ka undo ro mo gbia wene gene husa. Ni manga mo ho wo, mo nayugo irisa tipa unga na tipa gu ga Yekova ndiko du tipa kure.—Amo 15:28, 29.
Ginipai rengbe mo ka mangaha tipa ka mbakada tiro?
Mo berã wenengai kuriihe na ki mangi kparakpee, fuoho mo ki hiisi gu fuomu nga gu nafu rengo fu kura boro ni fura ku baro.a Agu abatungusipai naima zio bapatiza ima rengba ka gbia gu fuomu nga gu nafu rengo fu kura boro ni fura ku ba ro be gu wirina nangera fuo awaraga rogo dungurati wa sa na agu akarte nga ga agude i ayambaha nga Identity Card (ic)
Ka si du nga mo na vuse, mo sana abaakumba tipa i fu gu waraga foro du tipa anaavuse nga Information for Expectant Mothers (S-401). Gi waraga re nika undo ro mo mangi wene adiaberã tipa gu kpakarapai nga ga kaza rengbe ka kura ti regbo vuse watadu ti regbo vungu
Ka mo gbiatiro na gu gene husa kaza nakoda fu kure fu boro watadu naida i dika ro ku bambungua yo, mo gumbaha fu gamo abaakumba mbu regbo kumbatayo na ki tingidi gupai fu gamo amunganga nga boro sa dagba aDezire Yekova nika ye ka biro
Waigu rengbe abaakumba ka undo? I rengbe ka undo ro mo hiisi gu fuomu nga gu nafu rengo fu kura boro ni fura ku ba ro. Wa vura duhe wo, abaakumba amanganga diaberã foro watadu ka gumba gayo berãpai tipa gu ngbatunga gene husa si aida kina boro mangi gani diaberã tipaha te. (Rom 14:12; Gara 6:5) Ho mo atingida gupai ni fu gamo abaakumba nga mo na gu kaza rengbe ka ye na gu kpakarapai nga ga dia kure kutii kpotose yo, i nika yamba gu Rondo Du Tipa Sakapai na Amunganga ni ipiipihe kuba ro.
Waigu rengbe gu Rondo Du Tipa Sakapai na Amunganga ka Undo? I afu rabahe fu agu awirina namangasunge rogo gu Rondo Du Tipa Sakapai na Amunganga i niundo ka saka rogo apai yo fu amunganga gbiati aboro ndiko tipa i rugutiyo na gu bipai du gaani pambori na ni tipa kure. I ima rengba ka saka gu kura agene husa kaza na gamo munganga nga gu aidanga i fu kina kure mbata kutii kpoto boro yo ya. Kura regbo, i ima rengba ka undo ro mo gbia gu munganga nika ida ka mangapai kuti gamo nyemupai tipa dia kure.
ONI MOI GU VIDIO NGA WAI KA MANGA ADIABERÃ WAI KA NGERAFUO KPOTOSE NIBIPA KURE, NA ONI KI KARAGAPAI KUTI GI SANAHE RE:
Ginipai mo niwiriki he rogo gi vidio re nga gu rengbe ka undo ro mo mbakadi tiro awere tipa gu tunguotunguopai nga ga kaza nakoda fu kure kutii kpotose yo?
a Wirikapai 39 nga ga gu buku nga Mo Raki Nyeanye Kindi na Ngbarago! ima rengba ka undo ro mo mangi diaberã tipa gu gene husa kaza nakoda mangasunge na kure.