Mangasunge na gu Burosua Nga Bible’s Message

Rogo gaani adagbarago, dungu aboro gudu ho nga aguyo ainongo Ziazia Kekeapai ya, gbe, aguyo adunga rogo agu apambori nga ga aKristano ya. Ho oni awisigo Ziazia Kekeapai ni na ngbatunga gu boro re rogo gu buku nga Bible Teach, kura abatungusipai naamangasunge na gu burosua nga Bible’s Message a ka undo gu boro i awirikapai na ní ní ini memeapai tipa Ziazia Kekeapai. Nikpiapai, wirina sa naasakapai na boro rogo bambata papara gu buku re ho i nada ni na ní rogo kapita 3 nga ga Bible Teach. Fuo gure ka ndu kumbatayo, ko nawisigo apapara gu burosua re nibasa fuo nyasa yó na wirikapai nga ga uru sa. Ya mo oni nawisigo Ziazia Kekeapai na gu boro ini Ziazia Kekeapai gbua tooni watadu ainongo ho wagu tooni ya? Tipa ka undo ní niwiriki ‘gu Ziazia Kekeapai rengbe ka fu tatamana funi sa bata,’ si ngbaangba oni berẽpa wisigo kura apai na ní rogo gu burosua nga Bible’s Message ka si du nga oni rengbe ka mangaha wo.​—2 Tim. 3:15.