“Mo Nadia Gimi Waraga Mbata Mi Kini Ru ka Dia Gamo”

Gure nga gupai gu kura airakporo naagumbaha. Wa duhe nga ani naaundanga gaani awaraga na agu awaraga du na iraira yugopai rogoho te, wai rengbe ani ka karagapai ka boro ya furani ani di gani waraga mbata ní kini ru ka dia gaani? (Rom. 1:25) Ani rengbe ka ya: “Tambuahe. Gini maabangirise gu waraga re afuhe tipa gu kparakaapai nagbia aboro areme? [Oni mbu ní tipa ní karagapai. Ka ní gumba gupai furoni nga oni gedi gani waraga tipa ka gbia karagapai, oni rengbe ka gumba gupai funi nga oni nifu waraga funi tifuo gumba gupai du rogoho. Fuo gure oni ki gedi watadu ki gumba pa Matayo 6:9, 10.] Yesu agumba gupai nga ga Mbori Kindo nika sa gupai Mbori akpinyemuhe si mangi auru kpotosende ane. Sidu, gu waraga pambori sa rengbe mi ka gedaha nga gu nafura tipa ga Mbori Kindo. Ya mo mi rengbe ka yugo bara bete agu apai foro ga Mbori Kindo nika mangaha rogo Ziazia Kekeapai?”