Mo Nibanda Berãro
1. Gine nga rii gu bakere dunguratise nga ga aʹuru ue du tipa gu garã nga ga sunge nga ga 2013, na ndu mangaha nga gine?
1 Yesu arugu gako abawiriki ki ya i kpinyemu Yekova na ngbaduyo yo dũ, na mbisimoyo dũ, gbiati gayo berã dũ. (Mt. 22:37, 38) I mbakadi agu abakere adunguratise nga ga gi garã re si undo rani ani mbakadi ngbaduraniyo, sangbakpotoraniyo, na berãrani. A wa oni atingidaha, rii gaani bakere dunguratise nga ga aʹuru biata nga “Mo Nibánda Kpotoroyo!” Gu bakere dunguratise nga ga uru sa du tipa gu garã nga ga sunge nga ga 2013 riihe nga “Mo Nibanda Sangbakpotoroyo.” Na gu bakere dunguratise nga ga aʹuru ue nga gu nika tona rogo gu diwi naye re riihe nga “Mo Nibanda Berãro,” na mburuhe rii Matayo 22:37. I mangi gi mbakadapai re tipa ka undo rani wa du ani nibasasa ani wisigi gaani aberã tipa ka saha si ngba bangiri Yekova gbe.
2. Si naida ani ngere tipa akaragapai kuti gini asanahe?
2 Agu Apai Nikadu Yo: Wa ani kaa degaturani ti regbo gu bakere dunguratise re, si naida ani ngere tipa agu akaragapai du tipa agi asanahe re, nga gu nga memeapai:
• Wai rengbe ani ka ne berã ‘agu aberã nga ga boro’?
• Wai rengbe ani ka undo ka zaka berã azangaidapase?
• Gini sino berã si aida ani du nani?
• Gini aundo duho ti wene berãkuriipai?
• Wai rengbe ani ka mbu Yekova ko mbakadi gaani aberã?
• Wai rengbe akumbakuadee, dereakumba, avunguagude, na agude ka mangapai tipa ka ye na ngbarago kurogo gayo ramukporo?
• Wai rengbe ani ka mbakadatirani tipa ga Yekova uru?
• Wai rengbe ani ka mbakada gaani aberã tipa sunge?
• Gini undo naye fu agu aboro namanga agu apai i awirikaha?
3. Tipagine duhe ti ni ninyanyakipa pai kadu pati gu bakere dunguratise re rogo agu aʹuruhe du ue dunduko, na ki mangi agu apai ani ka wirikaha?
3 Satana nasovura ka gberesa berãrani. (2 Kor. 11:3) Sidu si aida gupai ti ni nga ani banda berãrani na gaani aberã. Si naida ani naaʹasada tirani kindi kadu na gu berã nga ga Kristo na ka sovura kuti agu apai du rogo gi zegino re nga gu rengbe ka gberesa berãrani. (1 Kor. 2:16) Sidu tie, oni mangi mbakadapai tipa kadu pati gu bakere dunguratise re rogo agu aʹuruhe du ue dunduko. Oni moiberã roni wenengai. Manga gu nyanyakipa apai ani nika giaha yo nika undo rani ani mbakadi berãrani tipa ka manga sunge Kindo zaaza.—1 Pet. 1:13.