Oni Mangisunge na Gaani Bangiriba Nga ga Internet Gene Tungusapai Yo​—“Agu Asanahe Ziazia Kekeapai Akaragapai Kutini”

Gu papara gaani bangiriba nga ga Internet du riihe nga “Bible Teachings” du rogo jw.org, si na riipai rogoho du nga “Bible Questions Answered.” Ka ani inidi tirani na gi ngbatunga asanahe aboro asanaha asana dedede re, si nika undo rani ani yugu bara agu akaragapai du mburuhe rii Ziazia Kekeapai fu agu aboro re rogo gu gaani bangiriba nga ga Inter­net. Ani ima rengba ka mangasunge a na agu asanahe re tipa ka tona tungusapai. Ani rengbe ka sia gu sanahe nga gu ngba ti aboro rogo gaani dagbarago, ki sana irakporo tipa gani bipai, na ki gumba gupai funi Ziazia Kekeapai agumbaha nimanga ani sunge na gu berãpai du rogo jw.org. Tifuo gure, ani ki yugu wai funi watadu wari ani nigbia gupai ni ani nasakihe na ni re. Gu kurapai rengbe ani ka mangaha nga ka sani ni gedihe ni tiní kina rogo gu gaani bangiriba nga ga Internet. Gu kura dia babi adunguratise sa aima gbia wene sangbanapai nimanga ri sunge na gu sanahe nga: “Badungu aboro nabaka bangiriyo na gi sanahe re, ‘Ya mo Mbori du naye na agu arungo namanga aboro?’ Ya mo mo nakpinyemu ka ino karagapai vuru asekonde gbua 51?” fuani, ri namaa woro karagapai nga ga gu sanahe re fu gu irakporo re tipa ni gihe, nga gu ri amoihe ku rogo gari terefuni. Ri nadigisiho nifura ri tipa kapita 11 nga ga gu buku nga Ziazia Kekeapai Ayugoho.