Gu Tua Duna Wene Sangbanaha

Aposo biata mbata fu bakere dunguratise mangi, adungurati nika manga tua berewe tipa ka yamba aboro rogo gayo dagbarago i ye kadu naayo pati bakere dunguratise. Wene ndupai kinaho i naamanga gu tua re ti ni na agarã dunduko. Agu aboro ninaaye, rago naangba tiyo ka gia agu agumbapai i amangaha du mburuhe rii Ziazia Kekeapai, na ka bi wai du agu asunge aboro afu tiyo ka mangaha nimbakadimbakadihe ngba wene gene, gbiati gu wene sino mangapai na kodatise du dagba aDezire Yekova. (Tam. 110:3; 133:1; Yes. 65:13, 14) Ya mo gu tua oni naamangaha na wene sangbanaha? Ya mo agu aboro oni ayamba yó ono naraka rogo gu ba du tuturũu ti gu ba i amanga bakere dunguratise rogoho, i naaye?

Tifuo gu bakere dunguratise namangi rogo gu garã nangia 2011, dee sa nga guri nagbia waraga yambahe tipa bakere dunguratise ngbadimo kpuri ake waraga fu be-basunge nga ga aDezire Yekova. Ri anaagbu agbu mbata be aDezire Yekova ho i ani ngoka gari ngbadimo ni. Rogo gu waraga re, ri ayaa: “Mi adu na babawene kporo bere, na wene kumba bere, na mi ki berẽ gupai nga mi na agu ahe dunduko rengbe ka sa boro ní du na ngbarago. Ono na agi ahe re dunduko, mi aagbianga ngbarago te, na gimi raka aadunga na ndikidi rogoyo ti ni te. Mi adiberã ka ndu nunguro nga akirometere 320 tipa kadu pati gu bakere dunguratise nga ga aDezire Yekova Rago Nzengu.” Rago angba tiri na gu bakere dunguratise re nikerehe na ri ki yambu kumbaari ki gumba gupai fuko nga ri ayegongo nigu uru re te tipa wa ka ri mangihe a Rago Poso. Sangbari nga: “Mi adegeture kuti agumbapai naabaha, na ki fura na badungu aDezire Yekova. Gure nangia gu regbo mi adiberã ka kakuti aDezire Yekova.” Fuo gi dee re karaga tiri ku kpuri yo, ri atona wirika Ziazia Kekeapai na fuo adiwi biama ri ki da nigu batungusipai ataziongo bapatiza ya. Sangbari nga: “Mi na bakere ngbarago nga mi agbia gu waraga yambahe re ngbadimo kpure bambiko gimi raka awere na ndikidi rogoyo ti ni!”

Aboro ayeaye dagba agu aboro i nika fu waraga yambahe fuyo. Sidu, oni mangi gi tua re amanga zaaza. Ka waraga yambahe nye beroni, oni ye nani kuba bakere dunguratise yo, na ki mangisunge nani tipa ka manga dezirepai.

[Box on page 4]

Wai Ani ka fu Waraga Yambahe?

Si naida ani fura niguruhe tipa wa ka ani ruho ka nyasa gaani dagbarago dunduko na gu tua re. Ani rengbe ka gumbapai wa gere: “Sene fu aboro. Ani nata kaa kparaka gi waraga yambahe re fu aboro dunduko. Gamo gere. Mo nika bi kura dungu apai rogo gi waraga yambahe re.” Oni fura afura zaaza. Ho oni akparakaha ni ti digido aposo, oni rengbe ka fu amagazini a ka rengba du.