Tua ka Yamba Aboro Tipa Bakere Dunguratise

Rogo agarã ni basasa, ani nidu na nyemu gu pumbo nga ga toro nga gu ani agbia ngbarago behe ti regbo gaani bakere adunguratise nga ga auru biata. Tipa kura aboro bi gu wene sino nga ga Yekova, ani nika yamba dungu aboro tipa i ye kadu na ani pati ni. (Tam 34:8) Gu gbuu nga ga abaakumba nika manga diaberã tipa wai rengbe ani ka mangasunge na waraga yambahe ngba wene gene.

AGU APAI SI AIDA ANI MOIHE KU BERÃRANI YO

• Gini regbo i nika manga gaani bakere dunguratise ti ni?

• Gini regbo ani nika tona tua ti ni?

• Gini regbo du gu dunguratise du tipa sunge tungusapai ti ni?

• Gimi asásá nga gine tipa tua?

• Gini boro mi amaabangire tipa ka yamba ni?

GINIPAI MO NIKA GUMBAHA?

Tingbafuo fu mo sene, mo rengbe ka ya:

“Ani nakparaka waraga yambahe tipa nyanyakipa pai nga gu nika manga. Gi waraga yambahe re nayugo gu ba i nika manga gi dunguratise re rogoho rogo gi rago re na gu regbo si nika tona ti ni. Mo ki yengo aye.”

WAI RENGBE MO KA SONOSA NYEMUPAI ROGO BORO YO?

Wa vura duhe nga ani naida ka yamba aboro ni badunguyo tipa bakere dunguratise, si naida aida ani sonosi gu nyemupai du rogoyo yo.

Ti digido aposo, oni ima rengba ka kparaka amagazini wa sa na waraga yambahe.