Ya Mo Mo Rengbe ka Gumbapa Kura fu Kura Wirina?

Rogo badungu adungurati, abatungusipai kinaho natungusapai gbua tooni mbiko gu kaza nabanga abanga watadu mbiko gbinza. (2 Kor. 4:16) Ya mo mo rengbe ka yamba ngbatunga boro wa gu ní re tipa ka ndu na ní fuo gu boro mo naawirika Ziazia Kekeapai na ní? Tipa gu batungusipai kaa guaringa ba ní ya, ka gene du oni rengbe ka ye na gu boro oni naawirika Ziazia Kekeapai na ní ku kpuni yo tipa ka mangaha yo. Ya mo oni rengbe ka manga mbakadapai ka kura kporo na kporo na gu batungusipai duadu kpokorokpokoro watadu ka ndu na ní ho oni akaraga tironi ni ka bi gu boro oni afura na ní? Gu sosono abatungusipai re ima du na bakere inohe gene tungusapai yo. Sidu, anga gupai gbua gaoni asadatise nika mangaha nga ka fu wasa fuyo te. Ono oni nika gbia undo agbia a. (Rom. 1:12) Kurigure, Yekova nika fu maku afu furoni tipa gu nyemuse oni ayugoho re.​—Snz. 19:17; 1 Yo. 3:17, 18.