Oni Fõngbadu Akuaroni Yo Tipa Agu Apai Ngba Angba

AEbere 10:24 nangarasa rani ani ‘berẽ pa akuarani ka nyakasa yo watadu ka fõngbaduyo yo, kuti nyemuse na wene mangaapai.’ Ani rengbe ka fõngbadu awirinarani yo na gu kpiapai ani amaaha gbiati gu gaani mangaapai nga ga idapase. Oni fura tipa gu wene apangbanga du tipa roni na gu kura aboro du rogo gaoni dungurati. Si naida i naabi gu ngbarago du oni na ni mbiko mangasunge fu Yekova. Ti kina gu bangisa regbo re, oni mbu ringbisa tironi nayo watadu kura aboro. (Gara. 6:4) Oni mangi sunge na gaoni ome tipa ka fõngbadu akuaroni yo kuti “nyemuse na wene mangaapai,” angianga kaa pe kina gu gbegberẽpai fuyo i amangaha tipa rago naagberã tiyo ya. (Oni bi gu buku nga Ministry School, kpe. 158, genewa. 4.) Ka ani nyakasi akuarani kuti nyemuse, gu mangaapai​—du wa gu nga manga wenepai fu aboro watadu tungusapai​—nika ye aye fuo manga ani he wo.​—2 Kor. 1:24.