“I Niini Kumbari Ngbadimo Bakporo Yo”

Gu wene sino du ti wene dee ni yuguyuguhe ti kumbari. Ti regbo gu bakindo nangia Remuere, gu kumbakudee naanidu na wene sino dee, ‘i a ni iniko ngbadimo bakporo yo’ (Snz 31:23) Areme, agu akumba du na irisa namangasunge ni abaakumba na ni amoundo abaakumba. Ka sidu nga i mangi rogatise, pa rẽ yo ka mangasunge ni abaakumba watadu amoundo abaakumba naru riipa gu wene mangaapai na gu undo nga ga adiayo. (1Tim 3:4, 11) Gi wene sino adee re na nyanyakipa yo, angianga kina bangiri akumbayo sa ya, ono bangiri dungurati a.

Wene sino dee naundo kumbari ni . . .

• ngarasa ko na wene afugo.​—Snz 31:26

• mbuko ko nimangi agu asunge nga ga dungurati.​—1Tesa 2:7, 8

• mburi gari raka sidu taata.​—1Tim 6:8

• zanga sasanako tipa gu gbugbuapai nga ga dungurati.​—1Tim 2:11, 12; 1Pet 4:15