Ginipai Rengbe Mo ka Wirikaha ti Agu Amanzigo Nga ga Vidio?

Gini bete amanzigo nga ga vidio ni ngbangba tiro gbe? Na tipagine? Ya mo mo nabihe nga agu avidio re nayugo agu apai ayugo namanga rogo raka na aˈuru dũ? Wa du agi amanzigo nga ga vidio re na angbatungaha ni dunguhe gbiati dungu riiapai, ai boro ima rengba ka gbia gu nangba ti ni. Wa vura duhe wo, anga agi amanzigo nga ga vidio re tipa kina gbia ngbarago ti ni sa te.

Amanzigo nga ga vidio dunduko nibasasa nayugo agu apai furani rengbe ani ka mangapai kuti ni rogo gaani raka nga ga aKristano gbiati tungusapai. Gu kura abia nagbe berãse kuti dia aboro kugume, kodatise, pabakure, wingbaduse, nyemuse, watadu idapase. Agu akuraha kini fura tipa karagatise fuo Yekova, yugo gu sino nga ga mbupai, banda pa kakuti ruru mangapai na aˈuru dũ, na pekafuo agu asásá nga ga toro. Na zavura gu kura bia kinaho du tipa mangasunge na terefuni ngba wene gene. Gini kura apai mo nawiriki he be agu amanzigo nga ga vidio?

ONI BI GU MANZIGO NGA GA VIDIO NGA JUST AROUND THE CORNER, NA FUOHO, ONI KI KARAGAPAI KUTI AGI ASANAHE DU KUSENDE RE:

• Gini maku nga gu naye kumbatayo gu sosono arogotise re aaberã tipaha?—Bam. P 12:3

• Wai gu ani anyakasa gaani idapase kuti gu rengba du Yekova na ni ka digiso gako akidohe?

• Gini kodatise berewe na ngbarago nika manga barambeda?

• Wai gu gu maabangirise du tipa Kindo aundo rani ani hi gu fudifudiapai ani agbiatirani na ni awere? —Rom 8:25