RAKA NI AKRISTANO
Mbakadapai Tipa ka fu Wasa fu Agu Awirina du Betere Yo
Aboro dunduko nagbiatiyo na asada na i naida na wasa gbiati songodahe. Zavura agu yo niima nyaka rogo toroyo watadu aguyo du na amamu sunge beyo rogo ga Yekova riigbu ima rengba ka du na fuda berãseyo. (Eyo 3:1-3; Tam 34:19) Ginipai rengbe ani ka wirikaha ti gu mbakadapai nga ga fu wasa na undo fu agu aborokporo nga ga Betere yo?
ONI MOI GU VIDIO NGA “MO KIDO KUTI MBORI,” NA TINGBAFUOHO ONI KI KARAGAPAI KUTI AGI ASANAHE DU KUSENDE RE:
Gini akpakarapai agu awirina du Betere yo agbiatiyo na ni?
Gini apai biama i amangihe tipa ka fu wasa fu yo?
Wai gu agu awirina nafu wasa nagbia undo?