“Oni Kpí Nyemu Awirina”

Gu mokedi nangia Petero ake gupai du ti rii gi kekeapai re agarã wa ue kutu kusayo. (1 Pet. 2:17) Si naida ani mangisunge nani awere susi gu naadu mbata! Wai rengbe ani ka kpinyemu awirina rogo zegino dũ? Na rogo gi zegino adunga na nyemuse rogoho re ya, wai rengbe ani ka mangapai tipa ka gaani nyemuse kpingo ya? (Mt. 24:12) Mo asadingo ka karagapai sa agi asanahe du kusende re wa mo nikaa bi gu vidio nga Our Whole Association of Brothers.

(1) Gini regbo nzunzu ani ada nipapara gu gaani riigbu nga ga aKristano? (2) Gini asunge duho biata ani amangaha sa na agu awirinarani du rogo zegino dũ? (3) Wai awirinarani anyakasa tiyo ka tungusapai (a) rogo gu gbaria nga ga Alaska, (b) pangba agu aime du Putu yo, na (d) rogo gu kere abure nga ga Peru? (4) Tipagine si aidanga ani du ti ni na gu bipai nga tungusapai nga kungbo sunge ya? (5) Mo funga agu akpiapai nayugo wai aDezire Yekova naafu wasa fu awirinayo na kini songodi yó (a) fuo bazigizo, (b) fuo bakere bavugumo, na (d) fuo vura? (6) Wai rengbe ani ka yugo gu bakere he i aino gaani riigbu nga ga awirina ti ni rogo mangimangipai yo? (Yo. 13:35) (7) Gini aundo duho ti mangasunge gaani aBambu Kindo sa na awirinarani? (8) Wai agu awirinarani naadu Putu yo ku uroyo na Russia yo abati rogo toro yo ho zahe adu ni ti gaani sunge? (9) Gini bakere asadatise badungu aDezire Yekova amangaha tipa kaa ndu sa gaani kikindigi adunguratise, na tipagine? (10) Wai gi vidio re nanyakasi gamo diaberã (a) kaa iriso Yekova pati agu adunguratise nga ga aKristano na awirinamo, (b) kaa undo awirinamo ti regbo zingo, na (d) kaa tungusapai wenengai ho du rengba ni tipa mangaha na ngba dungu agene? (11) Wai na ti gini regbo rengbe ani ka mangasunge na gi vidio re rogo gaani sunge tungusapai?

Gu bangua ndupai du ani ti ni dagba agu awirinarani nga aKristano nga gaani nyemuse tipa Yekova. Ani na nyemu ka wirikapai tipa ko na ka yugopai tipa ko fu kura aboro. Na ani nakpinyemu agu aboro Yekova akpinyemuyo. Ho ani aundoyo ni ti regbo zingo, ani aberãnga gupai nga si naida Mbori fu tambuahe furani te. Kuba gure, ani du natambua Mbori bambiko ani nabi awirinarani nigu kikiipa gamahe naye beko. Wa gu yangara arame nga ga gi zegino adunga na nyemuse re ya adigo, ani naayugongo nyemuse ayugo kindi tipa agu awirinarani du rogo zegino dunduko!