“Mbori Nga Nyemuse”

1. Mbori nga nyemuse, naya:

‘Oni ta ngba gi gene.ʼ

Ka ani kpinyemu Mbori,

Ki kpinyemu aboro,

Ani mangi wene apai

Na auru dunduko.

Ani yugu nyemuse gbe

Wa Kristo ayuguhe.

2. Nyemu Mbori nafõ rani,

Ani yugu nyemuse.

Ka ani koto ki tiwi,

Mbori atumba rani.

Nyemuse akpingo pai te;

Si na weneringise.

Ani kpinyemu kuarani;

Ki hia gaha mosoro.

3. Ka zinga dinga bero ya;

Ka si zingo bero ya.

Mo mbu pai kube Yekova

Ko naya furani wẽ:

Nyemu Mbori na aboro,

Si nakoda apai dũ.

Ani kpinyemu aboro,

Wa Mbori amangaha.