Berãpai Tipa Wisigopai

Mangasunge Wenengai na gu Kekeapai du Rogo JW Library Nga “What’s New”

Gu paparaha nga “What’s New” du rogo JW Library^® na rogo gaani bangiriba nga ga jw.org nayugo bara gu vovo kekeapai na avidio du rogo gaani bangiriba nga ga Internet na rogo JW Library. Waigu rengbe mo ka mangasunge na gi paparaha re tipa ka inido tiro na gu vovo apai re?

JW Library

• I namaa vovo kekeapai ni basasa rogo agu aba si aida si du rogoho. Ho kekeapai akura ni ni vovoho rogo gu paparaha nga “What’s New,” mo ima rengba ka zoga gu vovo pai re. Na mo ima rengba ka geda vovo kekeapai nga gu nakura kuari, na si ni tangaratangaraha ringbisihe kuti ramediwi.

• Mo ima rengba ka zanga nyasa geda gu kura awaraga du ni kikiihe ti bangisa regbo sa wa gu nga magazini te. Mo ima rengba ka maaha ku dagba agu ahe ngba tiro tipa gupai nga si du foro taata ka tona gedaha berewe na ki nyasihe. Ho mo nika nyasa gedaha ni, mo ima rengba ka diaha kusayo dagba agu ahe yo ngba tiro.

JW.ORG

Gu kura apai wa gu nga vovo apangbanga gbiati gu kura atingidapai na kura kina rogo gaani bangiriba nga ga Internet nga jw.org angianga rogo JW Library yo ya. Mo naazaka gu paparaha nga “What’s New” dedede rogo gaani bangiriba nga ga Internet tipa kaa bi vovo apai.