AGU APAI NANDU NA GUPAI DU TI KPOTOHO | YA MO MBORI NABERÃPA RO?
Mbori Ima Rengba Ka Fu Wasa Foro
“Gu ko nafu wasa fu agu yo nga abayee, kina Mbori, ko afu wasa furani.”—2 AKORINDO 7:6.
‘Wiri Mbori akpinyemu re, ki fu tiko tipa re.’—AGARATIO 2:20
NDU GUPAI KURA ABORO ATIKÖ ATIKÖ TI NI: Zavura ho aboro aida wasa ni, aguyo nabihe nga ndupai ho i sana Mbori tipa ko undo yo i sovura kuti gayo kpakaraapai te. Kura dee du rimo ri nga Raquel aya: “Ho mi angera ni ka bi bange aboro rogo zegino na agu akpakarapai i agbiatiyo na ni, mi nabihe nga si aidanga mi sana Mbori tipa undo te mbiko sunge ti gimi te.”
GUPAI FUGO MBORI AYUGOHO: Mbori ima rimiso tiko ngba iriwo gene tipa ka undo aboro na ki fu wasa fuyo. Aboro dunduko auru kpotosende nga aboro ingapai, na si nasaha fuyo ni kpakarapai i mangi gupai Mbori akpinyemuhe ngba wene gene. Ono tie, Mbori “akedi Wiriko [Yesu Kristo] ko du ni motumo gaani ingaapai.” (1 Yoane 4:10) Vurube ga Yesu motumo, si taata fu Mbori ko mbupai furani ti gaani aingapai, ani du na gigiri sangbakpotoseyo, na ani du na gu maabangirise nga ga raka rogo zezeredi vovo zegino.a Ono ya mo gu motumo re gbua tipa rikaaboro, watadu si nayugo gupai nga Mbori naberãpa ro aberã?
Mo bingo gupai naadu tipa gu mokedi nangia Pauro. Ko aima du na ngbarago tipa ga Yesu motumo ko ki ya: ‘Gu unga du mi ngbaha awere ni borore mi ngba ha mbiko idapase, gu idapase nga idapa Wiri Mbori, ko nakpi nyemu re, ki fu tiko tipa re.’ (AGaratio 2:20) Nirengo, Yesu akpi mbata fu da Pauro ni Kristano. Ono tie, Pauro abi gu motumo re wa gamahe be Mbori fuko.
Gu ga Yesu motumo re nga gamahe be Mbori foro a. Gu gamahe re nayugo wai nyakipa ro bangiri Mbori. Si rengbe ka fu ‘nyenye wasa foro na wene maabangirise’ na ki ‘nyakasi ro rogo wene mangaapai na wene apai dunduko.’—2 ATesaroniko 2:16, 17.
Ono tie, Yesu afu ungako ni motumo agarã wa 2,000 kusayo. Ginipai nayugo gupai nga Mbori naida kadu na pagume namo areme?
a Ka mo aida ka wirika kura apai tipa ga Yesu motumo, mo bi kapita 5 nga ga gu buku nga Gini Apai Nzunzu Ziazia Kekeapai Ayugoho? aDezire Yekova akusaha.