Kpia Wai ka Kparaka Amagazini

Tipa ka Tona Wisigo Ziazia Kekeapai na Aboro Rogo gu Bambata Rago Nzengu Nga ga Wegebe

“Badungu aboro idi kuti gupai nga Bakitingbanga du naye na gu gbegberẽ apai namanga rogo zegino. Ono gu sanahe i naasanaha nga: ‘Wari Bakitingbanga aye ni? Ya mo kina Mbori du nakusi ko?’ Gamo berãpai nga wai tigamo tipa gipai re? [Oni mbu ní tipa ní karagapai.] Mo bingo gi kekepai re.” Oni yugu gu kekeapai funi du gii gu Ngbaõbambu Sinziri yo nga ga Wegebe 1 na ki wisigi gu bambata genewaraga na ni gbiati gu veresi du rogoho. Oni fu gu magazini re funi, na ki mangi mbakadapai tipa ka ye berewe fuoni oni sakipai tipa gu sanahe ngbe fuo gure.

Ngbaõbambu Sinziri Wegebe 1

“Ani na nyemu ka ino gamo berãpai tipa gu boro du aKristano, aYudo, na Amasarami na bakere irisa tipa ní. Gu boro re nga Moize. Ginipai naye ku berãro yo mbata ho mo agia gu rimo ni nga Moize? [Oni mbu ní tipa ní karagapai.] Wa vura duhe nga Moize amangi irairaapai amanga, Ziazia Kekeapai nayugo ko furani nibawene boro. Mo bingo gupai si apehe. [Oni gedi Pa Fu Rugute ni Ue he 34:10-12.] Gi magazini re nasakapai tipa bawene asinoko biata na wai rengbe ani ka wirikako.”