Xí labúu gonyno par gonyno xchiin Dios más galán: guininéno buñ rotísi lagary

Xigony rasacni. Órni rioʼno yoʼ por yoʼ par guininéno layibu xtiitz Dios, xidal ór diti radzelno buñ rioʼ. Per labúu gooyno diitz né layibu lainy camión, órni rioʼno clínica né cabésno doctor, órni casaladxno ló dxiin o lainy yolayscuel o nitisi lagary. Jehová raniiny que guirá buñ guicadiag xi ni gony Gobierno xtunybu (1 Tim. 2:3, 4). Xidal buelt de lóono guireʼni par guininéno buñ xi ni ná Dios.

Ximod gonyno láani:

Ganno xi clas buñ labúu guininéno. ¿Raduidy diitz lóo buñ cú que noʼbu sacró né que nainy láabu gooybu diitz né lóono la? ¿Rienni que napbu tiemp par gooyno diitz né láabu la? Tipnés herman nír rabiʼbu lóo buñ né raxiichbu. Pal buñ reʼ láaca raxichné láabu, ór cú rasaló raniʼyibu.
Goniné Jehová lainy xcalnabanylo pal radzuibylo guininélo buñ (Neh. 2:4; Hech. 4:29).
Labúu salóno né chop tzón roʼ diitz o guinino dioxh. Órni Jesús goninébu buñgonaʼ Samaritana diti ni maca goniʼbu de Gobierno xtuny Dios (Juan 4:7). Rioʼ ór labúu salóno gaibyno láabu ndeʼ: «¡Rienni que mbioxtzay nac xiinlo!». Láaca labúu salóno né toib galrranabdiitz: «¿Ma nanlo xí galnadx noʼ la?».
Órni ma gosaló cayooyto diitz, biyopy toib oportunida par labúu guiniʼlo diitz sacró, per diti guioblo gonylo láani. Biduidy lagary guiniʼbu ni noʼ lainy xcalnabanybu. Looy labúu guiniʼlo toib cós ni guioladxbu o guiniiny láabu ganbu más. Pal caniʼto de family labúu guiniʼlo ndeʼ: «Naʼ bidzela xidal litz ni labúu gacné buñ par labúu guisniʼs xiin». Pal caniʼto de toib galnadx ni noʼ, labúu guiniʼlo ndeʼ: «Nasien cú biila tipnés diitz sacró ni labúu gacné lóono». Diti guireʼganlo pal diti racadiagbu looy antes de guininélo láabu de xtiitz Dios.
Labúu tzanélo tratad o stipnés guiich ni labúu guiduidylo buñ, pal rien que rioladxyibu ganyibu más de xtiitz Dios.

Buny ndeʼ ló beʼo:

Guirá xomal buny por guininélo buñ rotísi lagary.