Xí labúu gonyno par gonyno xchiin Dios más galán: Biiy diitz né buñ pentzi labúu guisuidylo layibu ni ná Dios

Jesús labúu bisuidybu xtiitz Dios a toib buñgonaʼ samaritana órni sobbu roʼ pós portín primer biiybu diitz né gonaʼ reʼ de stoib tema. ¿Ximod labúu salóno gooyno diitz né buñ ni diti rimbuno?

• Goniʼ dioxh, né biiy diitz né buñ. Jesús ná cadzagbu, gosaló biiybu diitz. ¿Ximod bunybu láani? Nosi gonabbu nís gueʼbu. Labúu salólo guiniʼlo diox, labúu guiniʼlo pal cayac nalaʼ o cayac nachich, pal yása tudy camión o labúu guiniʼlo de toib galnadx ni cayac ló xtzúno. Ni rasac ngú, saló gooylo diitz né buñ, por ngú goniʼ de toib tema ni labúu guicaʼ ñeʼ gooyto diitz más. Pal diti sacró racapy buñ looy, diti nac xitcal. Biiy diitz né stoib buñ. Gonab lóo Jehová guiduidy balory looy (Ne 2:4; Hch 4:29).

• Puextca goyoʼ guiniʼlo de Gobierno xtuny Dios órni labúuni looy, per diti gac naguelo. Diti gony lafuerslo buñ guicapy looy. Pal ronylo ngú, buñ sasac mal né ma diti saniiny layibu gooyibu diitz né looy. Diti guireʼganlo pal diti rigaʼl tiemp guiniʼlo de Jehová. Pal rasac naganlo guisuidylo buñ ni ná Dios, primer gosaló biiy diitz né buñ ná diti guisuidylo láabu ni ná Dios. [Goloʼ video 1 né buny tipnés galrranabdiitz].

• Goniʼ ni ronyno crer, pentzi ngú labúu guichiin buñ guinabdiitz looy más cós. Ngú buny Jesús: ni goniʼbu bunyni que samaritana naniiny ñan más, né gonaʼ reʼ gosaló buny xidal galrranabdiitz. Órni Jesús goniʼ de Gobierno xtuny Dios, ma nosi cuapybu ni gonabdiitz gonaʼcu láabu. [Goloʼ video 2 né buny tipnés galrranabdiitz. De ngú, buny ngúca né video 3].