Ezentsha

Indoda Enochoko Iyaphulukiswa!

Izilayezo: Yenza lesi sivivinyo endaweni ethule. Njengoba ufunda imiBhalo, zibone ngeso lengqondo uhilelekile kuleso senzakalo. Sibone ngeso lengqondo. Yizwa amazwi. Zizwe ngendlela abalingiswa abazizwa ngayo. Yenza le ndaba iphile.

Abalingiswa abasemqoka: UNahamani, u-Elisha nentombazane yakwa-Israyeli engashiwongo ngegama.

Indaba efingqiwe: UNahamani, isikhulu sebutho laseSiriya, welashwa isifo esenyanyekayo ngemva kokuba intombazane yakwa-Israyeli isikisele ukuba ayobonana no-Elisha.

1 HLAZIYA ISIGCAWU.—FUNDA EYESI-2 AMAKHOSI 5:1-19.

Ucabanga ukuthi intombazanyana yakwa-Israyeli yayizizwa kanjani njengoba yayithunjiwe, ikude nomndeni wakubo owesaba uNkulunkulu?

․․․․․

Yikuphi ukukhungatheka ocabanga ukuthi uNahamani wayenakho—njengoba ayeyindoda esesikhundleni esiphezulu kodwa enesifo esithena amandla?

․․․․․

Yimiphi imizwa oyithola engxoxweni phakathi kukaNahamani nezinceku zakhe evesini 11 kuya ku-13?

․․․․․

Yikuphi ukushintsha kwesimo sengqondo okubona kuNahamani kusukela evesini 15?

․․․․․

2 CWANINGISISA.

Yiziphi izinto okungenzeka zaba nomthelela ekuqhosheni kukaNahamani? (Phinde ufunde ivesi 1.)

․․․․․

Usebenzisa amathuluzi okucwaninga onawo, thola okuthile ngesifo sochoko ngezikhathi zeBhayibheli.a (Ngokwesibonelo, sasisibi kangakanani? Ingabe sasithathelana? Saselashwa kanjani?)

․․․․․

Ucabanga ukuthi ukuphulukiswa kukaNahamani kwayithinta kanjani intombazanyana yakwa-Israyeli?

․․․․․

Cishe ukusabela kuka-Elisha kwamvivinya ngayiphi indlela uNahamani? (Bheka ivesi 10.)

․․․․․

3 SEBENZISA OKUFUNDILE. BHALA LOKHO OKUFUNDILE MAYELANA . . .

Nezingozi zokuqhosha.

․․․․․

Nokukhuluma ngesibindi ngezinkolelo zakho.

․․․․․_

Namandla kaJehova okwelapha izifo.

․․․․․

4 YINI EKUHLABE UMXHWELE KAKHULU NGALOKHU KULANDISA, FUTHI NGANI?

․․․․․

UMA UNGENALO IBHAYIBHELI, LICELE KOFAKAZI BAKAJEHOVA NOMA UFUNDE EZINYE IZINCWADI EZISEKELWE KULO KUYI-INTERNET, KULELI KHELI: www.watchtower.org

[Umbhalo waphansi]