Imihlangano Yenkonzo Ka-August

Isonto Eliqala NgoAugust 3

INgoma 162

10 imiz: Izaziso zebandla kanye neZaziso ezikhethiwe ezivela kuNkonzo Yethu YoMbuso. Xoxa ngamaphuzu okukhulunyelwa akomagazini bamuva. Khuthaza bonke ukuba bahlanganyele enkonzweni yasensimini kulempela-sonto, kuhlanganise nokuhanjiswa komagazini. UAugust uyinyanga yokugcina yonyaka wenkonzo. Khuthaza bonke abamemezeli ukuba bahlanganyele enkonzweni masonto onke futhi babike inkonzo yabo ngokushesha ekupheleni kuka-August. Ingabe sonke singasebenzela ukufinyelela inani elisha eliphakeme labamemezeli ngoAugust?

15 imiz: “Izingeniso Zokuvusa Isithakazelo.” Sicatshangelwe ngemibuzo nezimpendulo. Yenza umboniso wamaphuzu achazwe esigabeni 5.

20 imiz: “Isinyathelo Esiqondile Esiya Entuthukweni Eyengeziwe.” Chaza izigaba ezimbili zokuqala zesenezelo njengenkulumo. Enye ingxenye yalesihloko yihlanganise ngemibuzo nezimpendulo. Gcizelela amaphuzu asebenzayo ebandleni. Phetha ngokufingqa yonke indaba kafushane.

INgoma 155 nomthandazo wokuphetha.

Isonto Eliqala NgoAugust 10

INgoma 133

10 imiz: Izaziso zebandla, kuhlanganise nombiko wezimali kanye nokubonga umnikelo. Tusa ibandla ngokusekela umsebenzi webandla ngokwezimali, kanye noweNhlangano womhlaba wonke.

20 imiz: Ukuthuthukisa Isithakazelo Ezimpindelweni. Ingxoxo ngombonisi wenkonzo. Abaningi bakuthola kujabulisa ukukhuluma nabantu bese bebashiyela izincwadi. (omZU kk. 87-8) Umthwalo wethu wemfanelo uhlanganisa ukuhlakulela isithakazelo ezinhliziyweni zalabo esikhuluma nabo. Yethula umboniso omfushane wendlela ipheshana elingasetshenziswa ngayo ekuthuthukiseni isithakazelo empindelweni lapho ekuqaleni okungazange kushiywe khona izincwadi. Qokomisa iphuzu elilodwa kuphela noma amabili. Yethula umboniso omfushane obonisa indlela ukwaziswa okutholakala ezikhombweni zencwadi Ukubonisana nakho okungasetshenziswa ngayo. Gcizelela amaphuzu acacile naqondile ashiwo kulencwadi angasetshenziswa ukuze kuthuthukiswe ukuba nesithakazelo eBhayibhelini. Bonisa indlela yokulungiselela ukuhambela okulandelayo.

15 imiz: “IBabiloni Elikhulu.” Ingxoxo yencwadi Ukubonisana, amakhasi 53-8. Umboniso: Ummemezeli uxoxa nomfundi weBhayibheli ngentuthuko yakhe. Ugcizelela isidingo sokubhekwa uJehova njengongcwele, ofanelwe usizo lwaKhe kanye nesibusiso. (1 Pet. 1:15, 16) Gcizelela ukubaluleka kokubaleka manje eBabiloni kanye nokuhlanganyela nenhlangano engcwele kaJehova. Usihlalo uphetha ngokukhuthaza abazalwane ukuba basebenzise izincwadi ukuze baqondise abafundi enhlanganweni futhi basebenzise ngokunenzuzo usizo olunikezwa ngabadala.

INgoma 129 nomthandazo wokuphetha.

Isonto Eliqala NgoAugust 17

INgoma 113

15 imiz: Izaziso zebandla. IZindaba Ezingokwasezulwini. Ingxoxo ngesihloko esithi “Ukuphila Ngokuhluzeka Kwengqondo Nangokulunga.” Khuthaza abazalwane ukuba benze amalungiselelo kusengaphambili okuba khona esimisweni somhlangano okhethekile wosuku olulodwa phakathi nonyaka wenkonzo ka-1993. Yazisa usuku kanye nendawo uma sekwaziwa. Futhi, khuthaza ukuhlanganyela emsebenzini wensimu wangempela-sonto.

20 imiz: “Inselele Yokwenza Izimpindelo.” Imibuzo nezimpendulo. Ngemva kokucabangela izigaba 5 no-6, yiba nemiboniso emibili. (1) Bonisa indlela ipheshana elingasetshenziswa ngayo ukuqalisa isifundo seBhayibheli. (2) Khetha isihloko encwadini Ukubonisana bese ubonisa indlela esingasetshenziswa ngayo ukuphendula umbuzo empindelweni. Qokomisa ukubaluleka kwezikhathi zokuprakthiza. Khuthaza ukulandelela sonke isithakazelo.

10 imiz: Ingxoxo ngesihloko esithi “Ingabe Uyakhumbula?” esikuNqabayokulinda ka-April 15, 1992. Khuthaza bonke ukuba balondoloze isimiso esihle sokufunda omagazini. Nikeza ukusikisela okusebenzayo.

INgoma 130 nomthandazo wokuphetha.

Isonto Eliqala NgoAugust 24

INgoma 72

5 imiz: Izaziso zebandla.

15 imiz: “Ukusebenza Indlu Ngendlu Ngokuphumelelayo.” Ingxoxo yemibuzo nezimpendulo. Khuthaza ukuthatha ubuphayona obusizayo ngoSeptember. Phawula ukuthi labo ababa amaphayona asizayo ngokuvamile baba nomsebenzi wezinga eliphakeme ezinyangeni ezilandelayo.

15 imiz: Xoxa ngokwaziswa okuphathelene nesithi “Umphikukristu” okusencwadini Ukubonisana, amakhasi 383-4. Kusho ukuthini ukuthi “umphikukristu”? Ingabe kunoyedwa, noma kukhona abengeziwe? Wavela nini umphikukristu, futhi obani ababeyochazwa njengabanjalo? Umboniso omfushane wommemezeli ehambele umuntu osontayo okwathiwa axwaye oFakazi BakaJehova.

10 imiz: “Ukusebenzisa Incwadi Ethi Umuntu Omkhulu Kunabo Bonke Ezimpindelweni.” Xoxa kafushane ngamaphuzu asezigabeni ezimbili zokuqala. Bese wenza umboniso wokusebenzisa indlela eqondile yokuqalisa isifundo seBhayibheli empindelweni.

INgoma 126 nomthandazo wokuphetha.

Isonto Eliqala NgoAugust 31

INgoma 30

5 imiz: Izaziso zebandla.

15 imiz: Ingabe Uyathuthuka Ngokomoya? Ingxoxo ngomdala. Ingabe labo abasebandleni baye bafinyelela imigomo ethile phakathi nonyaka wenkonzo odlule? Uma kungenjalo, kungani? Sikisela imigomo engafinyeleleka. Intuthuko iyadingeka ukuze silondoloze ingokomoya. (Fil. 3:16) Umboniso omfushane womkhaya, phakathi nesifundo somkhaya, ubukeza inkonzo yawo siqu ukuze ubone ukuthi yikuphi lapho ungenza khona intuthuko engokomoya.

10 imiz: Umdala ofanelekayo ubika ngomsebenzi owenziwe ensimini engabelwe. Xoxa nabamemezeli abathile futhi wenze balandise okuhlangenwe nakho okuthile abakujabulela phakathi nenyanga yokuqala yomkhankaso. Yazisa ibandla ngamalungiselelo kaSeptember futhi ukhuthaze bonke ukuba bahlanganyele okungenani kanye ngenyanga. Abadala bakhuthazwa ukuba uma kunokwenzeka bahlele ukuba kunikezwe inkulumo yeningi ensimini engabelwe. Yenzani umzamo wokuhamba nesikhulumi sasobala esikwaziyo ukukhuluma nezilaleli ngolimi lwazo. Kungacatshangelwa izidingo zebandla uma ibandla lingasebenzi insimu engabelwe.

15 imiz: Qokomisa incwadi ethi Ungaphila Phakade ngoSeptember. Inkulumo nomboniso. Xoxa ngamaphuzu okukhulunyelwa kanye nemifanekiso engasetshenziswa lapho kuhanjiswa incwadi ethi Ungaphila Phakade. Amaphuzu asencwadini Ukubonisana ngaphansi kwesihloko esithi “Ububi” angasetshenziswa lapho esebenza khona. Mhlawumbe ukwaziswa okusezahlukweni 11 no-19 kwesithi “Kungani UNkulunkulu Eye Wavumela Ububi?” nesithi “Ngemva KweArmagedoni, Umhlaba OyiPharadesi” kungakhanga kumninikhaya. Yiba nommemezeli ofanelekayo ebonisa ukuhanjiswa kwesipho, esebenzisa izAga 2:21, 22 kanye nemifanekiso esemakhasini 156-8, 161, no-162, eqokomisa ukuthi isizathu sokuqala sikaNkulunkulu sokudala umhlaba sizogcwaliseka ngokushesha.

INgoma 109 nomthandazo wokuphetha.