AMAGUGU ASEZWINI LIKANKULUNKULU | JOHANE 5-6
Landela UJesu Ngezinhloso Ezinhle
Lapho uJesu enza umfanekiso okwakunzima ukuba abafundi bawuqonde, abanye abakuthandanga lokho ayekusho baze bayeka nokuhamba naye. Ngayizolo, wayebaphe ukudla ngokuyisimangaliso, eqinisekisa ukuthi amandla akhe wayewanikwa uNkulunkulu. Pho kungani baphatheka kabi? Kusobala ukuthi babelandela uJesu ngenxa yobugovu. Babehamba noJesu ngenxa yokuthi babethola izinto ezithile kuye.
Umuntu ngamunye kufanele azibuze: ‘Kungani ngilandela uJesu? Ingabe ngimlandela ngenxa nje yezibusiso engizithola manje nengizozithola esikhathini esizayo? Noma ngilandela uJesu ngoba ngithanda uJehova futhi ngifuna ukumjabulisa?’
Kungani singase simshiye uJehova uma lokhu okulandelayo kuyizona zizathu ezibalulekile zokumkhonza?
Simkhonza ngoba sithanda ukuba nabantu bakaNkulunkulu
Simkhonza ngoba sifisa ukuphila ePharadesi