“Insimu Ekhethekile”

INTSHA eningi engamaKristu iye yaba nombono wokuthi isikole ‘siyinsimu yayo ekhethekile,’ ngakho-ke iyawaqaphela amathuba okunikeza ubufakazi kokubili kothisha nakwefunda nabo. Phawula imiphumela emihle uSusan aba nayo, intombazane yaseCanada eneminyaka eyi-13 ubudala.

“NgoDecember uthisha wethu wacela ikilasi ukuba libhale indaba kaKhisimusi ‘eqanjiwe.’ Njengesihloko sami ngakhetha ‘Indaba Ngendabuko KaKhisimusi.’ Ngisebenzi sa amaencyclopedia esikole nezihloko zePhaphama! ukuze ngithole izindaba eziqondene nalokho, ngakwazi ukubhala indaba efundisayo.” Yini uthisha ayicabanga ngayo?

“Ekugcineni kwendaba yami uthisha wenza lokhu kukhulumela: ‘Ibhalwe kahle kakhulu, Susan! Ngiyakuncoma ukwethembeka kwakho futhi ngiyazihlonipha izinkolelo zakho. Ngokucabanga kwakho nokuqonda, uyohlonishwa njalo. Ngithemba ukuthi esikhathini esizayo awunakuzilahla izimfanelo ezincomekayo onazo manje. Ekuphetheni, kuyaqabula futhi kuyavuza ukufunda noma ukukhuluma nothile ongangaye oye wathuthukisa futhi wagcina isibindi sezinkolelo zakhe.’

“Ngemva kokufunda indaba ngokwakhe, wanikeza bonke othisha ehhovisi labo ukuba bayifunde. Ngakho-ke bonke bathola ubufakazi! Kwanginika isibindi nokuzimisela ukuxoxa ngamaqiniso eBhayibheli kwabanye esikoleni.

“Yebo, bonke engifunda nabo bayazi ukuthi ngingomunye woFakazi BakaJehova, futhi, lapho bezwa engangibhale ngakho, nabo bafuna ukufunda indaba yami. Babonakala benesithakazelo kangangokuba ngabatshela ukuthi ngiyolethela ngamunye wabo umagazini iPhaphama! yesiNgisi, enesihloko esikhuluma ngoKhisimusi. Lowo kwakuwumagazini kaDecember 22, 1979, (iPhaphama! kaJune 8, 1980) futhi wawunesihloko esikhuluma nge‘disco’.

“Lapho ngiletha omagazini baleyoPhaphama! esikoleni, abanye abaningana ekilasini bababona nabo futhi babacela. Babonisa isithakazelo esikhulu ngesihloko se‘disco’ kangangokuba nganquma ukulethela ngamunye wabo iPhaphama!, kaMarch 22, 1979, owawunochungechunge lwezihloko ngaleyondaba. Ngenxa yalokho, ngahambisa omagazini abangama-26 kubafundi engifunda nabo.

“Esikhathini esithile kamuva, ngesikhathi umhlengikazi wethu wasesikoleni ebonisa ibhayisikobho yokukhula komuntu, ngalethela ngamunye wabafundi abaningana engifunda nabo incwadi ethi Ubusha Bakho—Ukuthola Okungcono Kakhulu Kubo. Ngabatshela ukuthi lencwadi yangisiza ngempela ukuba ngiqonde izinguquko nezinkinga ezihambisana nokukhula.

“Nakhona futhi, lapho abanye ekilasini lami bebona lamantombazane efunda futhi exoxa ngalencwadi, bacela ukuba ngibaphathele yona—ngisho nabanye babafana. Ngakho-ke, ngahambisa izincwadi Ubusha eziyi-17 sezizonke ngalesosikhathi. . . .

“Ngesinye isikhathi intombazane esikoleni yangitshela ukuthi yayiya kuSonto-sikole futhi ilifunda iBhayibheli, kodwa yayingaliqondi. Ngayitshela ukuthi ngangineBhayibheli okwakulula ukulifunda futhi ngangiyokujabulela ukuyilethelalona. Angizange ngiyilethele nje kuphela iNew World Translation kodwa futhi ngayilethela incwadi ethi INcwadi Yami Yezindaba ZeBhayibheli futhi ngayibonisa indlela lencwadi ngempela eyayizoyisiza ngayo ekuqondeni iBhayibheli. Yayijabulela kakhulu.”

USusan uzizwa kanjani ngokufakaza esikoleni? “Ngikujabulela ngempela ukufakaza kubangane bami esikoleni futhi ngikubheka njengokuyilungelo ukuba nalensimu ekhethekile.”

Ingabe usesikoleni? Kungani ungalisebenzisi ithuba ‘lensimu yakho ekhethekile?’