Ngeke uthande Ukuba Ukuphuthele!
UPHUTHELWE yini? UMhlangano Wesigodi WoFakazi BakaJehova “Wezithunywa Zokuthula KukaNkulunkulu” osondela ngokushesha! Ezindaweni eziningi lomhlangano uyoqala ngomculo ngo-9:30 ekuseni ngoLwesihlanu. Ngemva kokulalela izingxoxo eziqinisa ukholo engxenyeni ethi “Ukuzwa Ezivela Kubamemezeli Bokuthula Abashisekayo,” uyojabulela inkulumo ekhuthazayo ethi “Yini UNkulunkulu Ayifunayo Kithi?”
Okuyobe kuvelele ngoLwesihlanu ntambama inkulumo eyisihluthulelo ethi “Indima Yethu Njengezithunywa Zokuthula KukaNkulunkulu.” Ngemva kwalokho ingxenye ethi “Ukusiza Abanye Bazi Izimfuneko ZikaNkulunkulu” iyoveza izindlela ezisikiselwayo abasanda kuhlanganyela abangafundiswa ngazo. Lengxenye iyolandelwa uchungechunge olufike ngesikhathi oluthi “Qaphela Izingibe Ezifihlekile Zokuzijabulisa.” Isimiso sangoLwesihlanu siyophetha ngenkulumo ethi “Melana NoDeveli—Ungawubekezeleli Umbango” nethi “Ukusekela Ubuqotho BeZwi LikaNkulunkulu Ngokwethembeka.”
Isimiso sangoMgqibelo ekuseni siyogcizelela ukubaluleka komsebenzi wokwenza abafundi ngochungechunge olunezingxenye ezintathu oluthi “Izithunywa Eziletha Izindaba Ezinhle Zokuthula.” Lesi simiso siyophetha ngenkulumo ethi “Ukupha Ngokwenama Phakathi KweNhlangano KaJehova” nethi “Ukuphila Nokuthula Ngokuzinikezela Nobhapathizo,” okuyothi ngemva kwayo kube nethuba lokuba abafundi abasha babhapathizwe.
Inkulumo yangoMgqibelo ntambama ethi “Khathalela Imicabango KaJehova Ngezindaba” iyophendula imibuzo enjengethi ‘Ingabe amaKristu ayahlanganyela emsebenzini wokuhlukanisa namuhla?’ nothi ‘Uyini umbono weBhayibheli ngesigwebo sentambo?’ Uyolujabulela nochungechunge olushukumisayo olunezingxenye ezimbili oluthi “UNkulunkulu Wokuthula Uyakukhathalela” ikakhulukazi inkulumo yokuphetha ethi “Phishekela Ukuthula KukaNkulunkulu Ekuphileni Komkhaya.”
Isimiso sangeSonto ekuseni siyohlanganisa nochungechunge olunezingxenye ezintathu oluthi “Ukubona Uhlobo Olufanele Lwezithunywa” nenkulumo ethi “Lalela Futhi Uthobele IZwi LikaNkulunkulu.” Isimiso sasekuseni siyophetha ngedrama egqokelwe ezasendulo eyoqokomisa izifundo eziwusizo ezivela ekulandiseni kweBhayibheli kukaMahlulel’ uGideyoni.
Isimiso sokugcina somhlangano ngeSonto ntambama siyoba nenkulumo yeningi, enesihloko esithi “Ukuthula Kweqiniso Ekugcineni!—Kuvela Kumuphi Umthombo?” Ekugcineni, inkulumo eshukumisayo ethi “Ukuqhubekela Phambili Njengezithunywa Zokuthula KukaNkulunkulu” iyophetha lomhlangano.
Hlela manje ukuba khona. Ukuze uthole ukuthi uyobe ukuphi eduze nekhaya lakho, iya eHholo Lombuso LoFakazi BakaJehova elisendaweni yakini noma ubhalele abanyathelisi balomagazini.