Indlela INdikimba Ebusayo Ehlelwe Ngayo
INDIKIMBA EBUSAYO yoFakazi BakaJehova yakhiwa amadoda azinikezele ayizinceku zikaNkulunkulu ezigcotshiwe. Ikhonza njengabameleli besigaba senceku ethembekileyo neqondayo esinomthwalo wemfanelo wokulungiselela ukudla okungokomoya, ukuqondisa nokukhuthaza umsebenzi wokushumayela ngoMbuso emhlabeni wonke.—Math. 24:14, 45-47.
INdikimba Ebusayo iba nemihlangano isonto ngalinye, ngokuvamile ngoLwesithathu. Le mihlangano yenza ukuba la bazalwane basebenze ndawonye ngobunye. (IHu. 133:1) Amalungu eNdikimba Ebusayo akhonza nakwamanye amakomiti ahlukahlukene. Ukuze inakekele izithakazelo zoMbuso, ikomiti ngayinye inemisebenzi eyengamele, njengoba ichazwe kafushane ngezansi.
◼ IKOMITI YABAQONDISI: Le komiti yakhiwa abaqondisi bekomiti ngayinye yeNdikimba Ebusayo nonobhala naye oyilungu leNdikimba Ebusayo. Iqinisekisa ukuthi wonke amakomiti asebenza ngokushelela. Ibuye isingathe izindaba eziphathelene nezimo eziphuthumayo ezinkulu, ushushiso, izinhlekelele nezinye izinto eziphuthumayo ezithinta oFakazi BakaJehova emhlabeni wonke.
◼ IKOMITI YEZISEBENZI: Abazalwane abakhonza kule komiti baphathiswe umsebenzi wokwengamela izinhlelo ezithinta amalungu omkhaya waseBethel emhlabeni wonke kuhlanganise nenhlalakahle yawo engokomoya nokuwasiza. Le komiti yengamela nokukhethwa nokubizwa kwamalungu amasha emikhaya yaseBethel futhi isingatha imibuzo ephathelene nenkonzo yawo yaseBethel.
◼ IKOMITI YOKUNYATHELISA: Le komiti yengamela ukunyathelisa nokuthunyelwa kwezincwadi zeBhayibheli emhlabeni wonke. Yengamele izindawo zokunyathelisa nezimpahla zezinhlangano ezihlukahlukene ezisetshenziswa oFakazi BakaJehova. Ihlela ukuba izimali ezinikelelwe umsebenzi woMbuso womhlaba wonke zisetshenziswe kahle.
◼ IKOMITI YENKONZO: Abakule komiti bengamela umsebenzi wokushumayela nezindaba ezithinta amabandla, amaphayona, abadala nababonisi abajikelezayo. Iqondisa ukulungiselelwa kwe-Nkonzo Yethu YoMbuso, ibize abafundi beSikole SaseGileyadi neSikole Sokuqeqeshelwa Inkonzo futhi kamuva ibanike izabelo zabo lapho sebephothulile.
◼ IKOMITI YOKUFUNDISA: Le komiti yengamela imfundo enikezwa emihlanganweni emincane, emikhulu neyebandla. Ilungiselela izinhlelo ezingokomoya zamalungu omkhaya waseBethel futhi yengamela izikole ezihlukahlukene, njengeSikole SaseGileyadi neSikole Senkonzo Samaphayona. Ilungiselela ama-video namakhasethi alalelwayo.
◼ IKOMITI YOKUBHALA: Umthwalo wemfanelo wale komiti ukuqondisa ukubhalwa kokudla okungokomoya ukuze kunyatheliswe futhi ekholwa nabo nomphakathi wonke bakwazi ukukuthola. Iphendula imibuzo yeBhayibheli futhi igunyaze ukwaziswa okunjengamadrama nezinhlaka zezinkulumo. Yengamela nomsebenzi wokuhumusha owenziwa emhlabeni wo
Umphostoli uPawulu wafanisa ibandla labagcotshiwe nomzimba womuntu futhi wagcizelela ukubaluleka kwendawo yelungu ngalinye lebandla kanye nokudingana kwawo, uthando nokubambisana ekwenzeni umsebenzi eliwunikwe uNkulunkulu. (Roma 12:4, 5; 1 Kor. 12:12-31) UJesu Kristu, iNhloko, unikeza la malungu omzimba lokho akudingayo ukuze ondleke ngokomoya, abambisane futhi asebenzelane kahle. (Efe. 4:15, 16; Kol. 2:19) INdikimba Ebusayo ihlelwe ngale ndlela ukuba ihole njengoba uJehova eyiqondisa ngomoya ongcwele.