Ongakusho Ngomagazini

INqabayokulinda January 1

Funda uGenesise 2:16, 17, bese uthi: “Abanye bathi uNkulunkulu wayazi ukuthi u-Adamu uzokona. Abanye banomuzwa wokuthi isixwayiso sikaNkulunkulu sasiyobe siwubuzenzisi ukube wayazi ukuthi kwakuzokwenzekani. Wena ucabangani? [Lindela impendulo.] Lesi sihloko esiqala ekhasini 13 siyachaza ukuthi uNkulunkulu ulisebenzisa kanjani ikhono lakhe lokwazi ikusasa.”

Phaphama! January

“Abanye bakholelwa ukuthi ukholo olungokwenkolo lusekelwe kakhulu emzwelweni kunasezizathwini ezinengqondo. Wena ucabangani? [Lindela impendulo.] NgokweBhayibheli, ukholo olungokwenkolo akufanele lube yinto yokuthatheka. [Funda eyoku-1 Johane 4:1.] Lesi sihloko esiqala ekhasini 28 sichaza indlela esingahlola ngayo ukuthi ukholo lwethu lusekelwe ezizathwini ezinengqondo yini.”

INqabayokulinda February 1

“Isehlukaniso siyinto evamile namuhla. Ucabanga ukuthi iyini imbangela eyinhloko yalokhu? [Lindela impendulo.] Phawula lesi seluleko imibhangqwana eminingi esithole siwusizo. [Funda 1 Korinte 10:24.] Lo magazini uxoxa ngezinkinga eziyisithupha abayeni nomkabo abavame ukukhala ngazo futhi uyabonisa ukuthi kungasiza kanjani ukusebenzisa izimiso zeBhayibheli.”

Phaphama! February

“Kubonakala sengathi kunesithakazelo esikhulu kuma-vampire nakubathakathi. Ingabe ucabanga ukuthi ukuhileleka ekusebenzelaneni nemimoya akuyona ingozi? [Lindela impendulo.] Phawula isixwayiso uNkulunkulu asinika u-Israyeli wasendulo. [Funda uDuteronomi 18:10-12.] Lo magazini ubonisa lokho iBhayibheli elikushoyo ngemimoya.”