Ukuchaza Lokho Esikukholelwayo Ngo-1914

ImiBhalo isikhuthaza ukuba ‘sikulungele ukuvikela’ izinkolelo zethu, ‘senze kanjalo ngomoya omnene nangenhlonipho ejulile.’ (1 Pet. 3:15) Eqinisweni, singase sikuthole kuyinselele ukuchaza amaqiniso ajulile eBhayibheli, njengokuthi sazi kanjani ukuthi uMbuso waqala ukubusa ngo-1914. Kulungiselelwe isihloko esinezingxenye ezimbili esithi “Ingxoxo Nomakhelwane​—UMbuso KaNkulunkulu Waqala Nini Ukubusa?” ukuze sisisize. Lesi sihloko sivela kuyi-Nqabayokulinda esizobe siyihambisa enkonzweni yethu ngo-October nango-November. Njengoba usihlola, cabangela imibuzo elandelayo ngokuphathelene nendlela uKhaya, ongummemezeli, ayisingathe ngayo ingxoxo.

Ukwaze kanjani . . . 

• ukuveza amaphuzu abavumelana ngawo lapho encoma umninikhaya?​—IzE. 17:22.

• ukubonisa ukuthobeka lapho echaza izinkolelo zakhe?​—IzE. 14:15.

Kube kuhle ngani . . . 

• ukulokhu ebukeza lokho asebexoxe ngakho ngaphambi kokudlulela kwamanye amaphuzu?

• ukudamane ehlaba ikhefu futhi abuze umninikhaya ukuthi uyakuqonda yini lokho asemchazele khona?

• ukungazami ukuxoxa ngokwaziswa okuningi kakhulu ngesikhathi esisodwa?​—Joh. 16:12.

Yeka indlela esimbonga ngayo uJehova, ‘uMfundisi wethu Omkhulu,’ ngokusifundisa indlela yokuchaza amaqiniso ajulile eBhayibheli kulabo abawalambele!​—Isaya 30:20.