UKUPHILA NJENGAMAKRISTU
UJehova Uyabavikela Abantu Bakhe
IPhasika lokuqala laliyisenzakalo esikhulu. Ngalobo busuku, ngemva kokuba uFaro ebone ukuthi izibulo lakhe lalifile, wathi kuMose: “Sukani, phumani phakathi kwabantu bami, kokubili nina kanye nabanye abantwana bakwa-Israyeli, nihambe, niyokhonza uJehova, njengoba nishilo.” (Eks 12:31) UJehova wayebonisile ukuthi uyabavikela abantu bakhe.
Njengoba sibheka umlando wabantu bakaJehova, kunobufakazi obucacile bokuthi uJehova uyaqhubeka ebaqondisa futhi ebavikela. Lokhu kuvezwe kahle emnyuziyamu osendlunkulu yomhlaba wonke onesihloko esithi “A People for Jehovah’s Name.”
BUKELA IVIDIYO ETHI UKUVAKASHELA EWARWICK MUSEUM: “A PEOPLE FOR JEHOVAH’S NAME” BESE UPHENDULA LE MIBUZO ELANDELAYO:
Iliphi ithuluzi elisha elasetshenziswa aBafundi BeBhayibheli ekuqaleni kuka-1914 ukuze benze abantu bakholelwe eBhayibhelini, futhi laphumelela kangakanani?
Iziphi izinkinga ezaba khona ngo-1916 nango-1918, futhi ibuphi ubufakazi obaba khona obabonisa ukuthi uJehova uyayiqondisa inhlangano yakhe?
Abantu bakaJehova bama kanjani beqinile okholweni lwabo naphezu kokuphikiswa?
Ikuphi ukuqonda okusha abantu bakaJehova abakuthola ngo-1935 futhi lokhu kwabathinta kanjani?
Uma uke wavakashela lo mnyuziyamu, yini oyibonile ekwenze wakholelwa nakakhulu ukuthi uJehova uqondisa futhi avikele abantu bakhe?