Ubani Ongamethemba?—Lithini IBhayibheli?

Abantu bayadumazeka lapho abantu ababathembayo bebaphoxa. Abaningi sebeyekile ukuthemba . . .

• abaholi bamaqembu ezepolitiki ababeka izidingo zabo kuqala kunezidingo zabantu.

• abezindaba abehluleka ukubika izindaba ngeqiniso nangaphandle kokuchema.

• ososayensi abenza izinto ezingafaka umphakathi engozini.

• abaholi benkolo abangene bagamanxa kwezepolitiki kunokuba bamelele uNkulunkulu.

Abantu benza kahle ngokuqapha ukuthi bathemba bani. IBhayibheli liyasixwayisa:

• “Ningabeki ithemba lenu ezikhulwini, noma endodaneni yomuntu, engenakukwazi ukusindisa.”—IHubo 146:3.

Umuntu ongamethemba

 IBhayibheli liveza ukuthi umuntu ongamethemba: uJesu Kristu. Wayengeyona indoda elungile nje kuphela eyaphila emakhulwini eminyaka edlule. UNkulunkulu wabeka uJesu ukuba ‘abuse njengeNkosi . . . , noMbuso wakhe ngeke uphele.’ (Luka 1:32, 33) UJesu uyiNkosi yoMbuso KaNkulunkulu, uhulumeni obusayo njengamanje ezulwini.—Mathewu 6:10.

• Ukuze ufunde ukuthi kungani ungamethemba uJesu, funda lesi sihloko “Ubani OyiNkosi YoMbuso KaNkulunkulu?” nesithi “Yini Eyofezwa UMbuso KaNkulunkulu?”