Iyaqondakala Kwabanye

1 Korinte 14:9

OKUFANELE UKWENZE: Siza izilaleli zakho zikuqonde okushoyo.

INDLELA ONGAKWENZA NGAYO:

• Yilungiselele kahle indaba yakho. Yiqonde kahle indaba okhuluma ngayo ukuze ukwazi ukuyichaza ngendlela elula nangamazwi akho.

• Sebenzisa imisho emifushane nelula. Nakuba kungenankinga ukusebenzisa imisho emide, sebenzisa imisho emifushane lapho uveza amaphuzu abalulekile.

• Wachaze amagama angajwayelekile. Gwema ukusebenzisa amagama okungenzeka izilaleli zakho aziwajwayele. Chaza noma iyiphi inkulumo engajwayelekile ongase uphoqeleke ukuyisebenzisa, kungaba igama lomuntu okukhulunywa ngaye eBhayibhelini, isilinganiso noma isiko lakudala.