“Abigamo Bukki ka In bene Iye Gamo Mega”

Meno oromo bedo tam pa rwod ot. Kit ma wan pe waloko bukkewa me Baibul ki bukke mogo me dini ma opong ki lok goba-ni, waromo dok i lokke-ni nining? (Rom. 1:25) Waromo wacce ni: “Apwoyo micci. Ento buk man loko gin ango ka odok i kom cobo pekki ma dano gitye ka denone? [Mine kare wek ogam.] Ka en mito ni kong ikwan buk ma mege-ni wek inong lagam me lapeny meno, wacce ni in pe imiyo buk mo bot dano labongo kong tito gin ma tye i buk meno. Ci itit bote gin ma tye i Matayo 6:​9, 10.] Yecu onyuto kany ni Ker pa Lubanga aye biweko miti pa Lubanga cobbe i lobo. Pi meno, an akwano bukke ma kwako Baibul keken ka loko i kom Ker pa Lubanga calo gin ma pire tek. Imito ni anyutti ki i Baibul jami ma Ker pa Lubanga bicobone?”