Ti ki Bukkewa i Yo me Ryeko

Yecu opwonyo ni: “Wun wugamo nono labongo cul mo, wumi bene nono labongo cul.” (Mat 10:8) Walubo tira meno kun pe wacato Baibul nyo bukkewa ma jenge i kom Baibul ma wapoko. (2Kor 2:17) Kadi bed kit meno, bukke magi gitye ki lok ada ma pire tek ma a ki i Lok pa Lubanga. Tic matek ki cente madwong mitte me goyo ki cwalo bukkewa i kacokke ducu ma i wi lobo. Pi meno myero wakwany bukke ma wabitiyo kwede keken.

Ti ki ryeko ka itye ka miyo bukkewa bot jo mukene, kadi bed i kare me miyo caden i dye lwak. (Mat 7:6) Me ka poko mere bukke ata bot ngat mo keken ma kato, temme me lok kwede wek iniang ka en tye ki miti. Itwero gamo olo lapeny mo acel ma tye i bok kany ni eyo? Ka pe itwero niang ka ngat moni tye ki miti, ber ka imiyo bote trak aye. Ngene kene ni ka en openyo pi magajin nyo buk mukene, watwero gire mine.​—Car 3:27, 28.