Fiɛɛmi Munyuhi

Nɛ a kɛ maa je Baiblo mi nikasemi sisi ngɛ kekleekle Hɔ nɛ ngɛ September nyɔhiɔ ɔ mi ɔ nɔ

“Nihi nɛ a je ma slɔɔtoslɔɔtohi a nɔ nɛ a hɛɛ hemi kɛ yemi slɔɔtoslɔɔtohi sɔleɔ daa ligbi. Anɛ o susu kaa Mawu buɔ sɔlemihi tsuo tue lo?” Ngmɛɛ lɛ blɔ nɛ e ha heto. Lɔɔ se ɔ, ha lɛ September 1 Watchtower a, nɛ o kɛ lɛ nɛ susu munyu nɛ ngɛ kekleekle munyuyi nyafii nɛ ngɛ bafa 16 sisi ɔ he, nɛ ke e hí kulaa a, o kɛ lɛ nɛ kane ngmamihi nɛ a tsɛ se ɔ kake. Ha lɛ womi tɛtlɛɛ ɔmɛ, nɛ o to blɔ nya nɛ o kpale ya slaa lɛ nɛ o kɛ lɛ nɛ susu sane bimi nɛ nyɛɛ se ɔ e heto ɔ he.

The Watchtower September 1

Moo ngɔ womi tɛtlɛɛ ɔ hɛ mi kɛ tsɔɔ wetsɛ ɔ nɛ o bi lɛ ke: “Kɛ o ma ha sane bimi nɛ ɔ heto ha kɛɛ? [Ngmɛɛ lɛ blɔ nɛ e ha heto.] Moo hyɛ nɔ́ nɛ Baiblo ɔ de. [Kane 1 Yohane 5:19.] Ngɛ ngmami nɛ ɔ nya a, “Abosiami” ji nɔ nɛ ngɛ je ɔ nɔ yee. Se munyu nɛ ɔ haa nɛ nihi biɔ sanehi komɛ. Jije Abosiami je? Anɛ e ji nɔ nɛ ngɛ tutuutu lo? Mɛni be nɛ Mawu maa ngmɛ lɛ blɔ nɛ e ye je ɔ nɔ kɛ ya si? Womi tɛtlɛɛ nɛ ɔ tsɔɔ heto nɛ Baiblo ɔ kɛ ha.”

Awake! September

“Mwɔnɛ ɔ, nihi fuu haoɔ ngɛ sika nɛ a be ɔ heje. Ke o hyɛ ɔ, mɛni heje nɛ e he wa kaa wa ma ná wa nya ngma a? [Ngmɛɛ lɛ blɔ nɛ e ha heto.] Nile munyuhi nɛ́ ye bua nihi fuu nɛ a nyɛ nɛ a kɛ a sika tsu ní saminya a ngɛ Baiblo ɔ mi. [Kane ngmamihi nɛ ngɛ bafa 8-9 ɔ kake.] Womi tɛtlɛɛ nɛ ɔ ngɔ ga womi kpakpa kɛ ha nihi nɛ a li bɔnɛ a ma plɛ kɛ hyɛ a sika nɔ saminya ha a.”